Kemur ekki á óvart.

Nú hefur menntamálaráðherra friðað hús við Hafnarstræti á Akureyri. Hafnarstræti 94 "Hamborg" og Hafnarstræti 96 "París" hafe verið bænum til sóma en Hafnarstræti 98 hefur verið í niðurníðslu árum saman. Ég man þetta hús áratugi aftur í tímann og svo lengi sem ég man hefur viðhald og umhirða þess verið í lágmarki og enginn sýnt því virðingu eða áhuga.

Fyrir rúmlega 20 árum síðan var deiliskipulagi þarna breytt og gert ráð fyrir að húsi viki. Nú hefur þeirri hugsun verið hrundið og eftir stendur gamalt timburhús í vanhirðu og illa farið í miðbæ Akureyrar. Eigendur þess eiga því næsta leik og viðbúið að þeir óski eftir að kaup þeirra á húsinu gangi til baka. Ef til vill hafa þeir áhuga á að gera þetta upp og reyna að finna starfssemi við hæfi í húsið.

Nú hafa hópar manna lýst miklum áhuga á að gera upp þetta hús og láta það ná fyrri reisn. Nú er komið að þeim sem talað fyrir þessum umbótum og nú hafa þeir tækifæri sem margir hafa þráð. Ég hlakka til að sjá þetta hús gert upp og verða miðbænum til sóma. Ég trúi því að til séu menn sem ráðast í þetta verk eins fljótt og mögulegt er og ég reikna líka með að skyldur ríkisins séu miklar þegar ráðhrerra friðar hús sem áður var búið að lýsa yfir að hefði ekki varðveislugildi eins og gert var á sínum tíma þegar deiliskipulagið var gert og stefna sú mörkuð á þessu svæði sem unnið var eftir.

Ef að þessi friðun stuðlar að lagfæringum og viðgerð á þessu húsi eru þetta góð tíðindi en ef þetta er ávísun á óbreytt ástand eru þau slæm. Nú er bara að sjá hvað verður.

 

Þrjú hús friðuð á Akureyri

Athugasemdir

[Páll Jóhannesson, 13.11.2007 kl. 20:02]

Þessi hörmungar vinnubrögð segja allt sem segja þarf um vinnulag þessara steindauðu húsafriðunarnefnd. Hvað var til þess að hún vaknaði upp af þessum þyrnirósarsvefni sem hún svaf? Af hverju lögðu þeir ekkert til málana í öll þessi ár sem til hefur staðið að friða húsið? af hverju núna á elleftu stundu? Þetta hefði verið trúverðugt hefði nefndin gert athugasemdir þegar menn voru að vinna við að gera nýtt skipulag af miðbæjarsvæðinu, þetta er sorglegt svo ekki sé nú meira sagt.

[Óskar Þorkelsson, 13.11.2007 kl. 20:38]

ekki voru þeir nú neitt sérlega ánægðir eigendur hótels Akureyri..

Húsfriðun er bull !

[Guðmundur Jóhannsson, 14.11.2007 kl. 05:00]

Í mínum huga er ljóst að Ríkissjóður kaupir þetta hús og ráðstafar.  Stjórnsýsluákvörðunin er ráðherrans fyrir hönd ríkisins.  Það sem næst þarf að gerast er að ríkið leysi pakkan til sín, svo þarf nýr eigandi (ríkið) að óska eftir breytingu á deiliskipulagi svo húsið geti staðið í óbreyttri mynd.  Þeirri breytingu verður skipulagsnefnd að hafna þar sem samskonar beiðni hefur margsinnis verið hafnað.  Ekki getur skipulagsnefnd brotið jafnræðisreglu stjórnarskrárinnar þó að ríkið eigi í hlut.

Auðvitað er þetta bull, ekki bara í mér heldur öllum sem standa að þessari friðun núna.  Það verður gaman að sjá hverjir standa við stóru orðin, það er svo auðvelt að gaspra þagar maður sjálfur þarf ekki að standa við neinar skuldbindingar.