Svartagallsraus og biturð.

Það er hárrétt hjá Steingrími...viðskiptahalli er vandamál á Íslandi og hagstjórnin var orðin nokkuð lin á síðasta kjörtímabili. Ný ríkisstjórn hefur tekið við fyrir skömmu og meiningin er að takast á við þann vanda sem hefur hlaðist upp á undanförnum árum.

En hvernig hann segir hluti og talar allt niður með svartagallsrausi og neikvæðum, geðvonskulegum upphrópunum gera hann ótrúverðugan og gamaldags. VG gæti náð miklu lengra ef talsmaður þeirra væri lausari við biturð og svartsýni. Ég hef sagt það áður, stíll Steingríms hjálpar ríkisstjórn mikið því flestir eru löngu búinir að fá nóg af þessu lítt rökstuddu æðisköstum þingmannsins.

Hann stendur í ræðustóli, vel mælskur og vel talandi og eys úr sér í allar áttir sárbitrum upphrópunum og frösum sem minna nokkuð á stíl ræðumanna á sjötta áratugnum.  VG væri vel staddur flokkur með góðan málstað ef formaðurinn fældi ekki burtu venjulegt fólk sem kann ekki að meta þennan árasarstíl löngu útbrunnins þingmanns.

Steingrímur J: Hagstjórn í molum og áætlanagerð úti í hafsauga