Táknrænt en gott.

Þetta er formleg yfirlýsing af hálfu Íslands. Aðstoð og stuðningi við hernað bandaríkjamanna er lokið og eini friðargæsluliðinn í Írak, undir vopnum,  kallaður heim. Nú hverfur ein þjóðin af annarri heim úr þeim grautarpotti sem bjáninn Bush og hans kumpánar hafa kynnt undir í Írak. Það er vandséð hvernig stórveldið losnar úr þeirri úlfakreppu og álitshnekki sem forsetinn hefur komið því í.

Miðað við ummæli utanríkisráðherra verða vopnaðar sveitir í Afganistan kallaðar heim bráðlega og þá er stríðsþáttöku Íslands lokið því við hefur tekið ráðherra sem hefur meiri skilning og víðsýni en forverar hennar undanfarin ár.

Blindum stuðningi við utanríkisstefnu Bandaríkjanna er lokið.

Íslenskur friðargæsluliði í Írak kallaður heim

Athugasemdir

[Óskar Þorkelsson, 5.9.2007 kl. 08:04]

Ég tek undir þetta hjá þér með þennan friðargæsluliða.. en ég er enn að bíða eftir því að Samfylkingin dragi ísland úr flokki hinna staðföstu þjóða GWBush.  Mér var gefið það loforð í kosningabaráttunni sem varð þess valdandi að Samfylkingin fékk mitt atkvæði..

[Mannrækt,áhugamannafélag, 5.9.2007 kl. 08:12]

Ég er sammála þér að þessu sinni, Jón Ingi, og er ánægður með að Ingibjörg Sólrún skuli hafa tekið þessa ákvörðun.  Legg þó áherslu á að mikilvægt er að haldið sé áfram borgaralegum verkefnum Íslensku friðargæslunnar víða um heim.