Mistök fjármálaráðherra fyrirgefum honum.

Við verðum að fyrirgefa fjármálaráðherra. Hann er svo nýlega komin í nýja ríkisstjórn með nýjar áherslur að varla er von að hann hafi áttað sig á breyttum hugsunarhætti og stefnu.

Auðvitað ber að endurskoða stefnu í tekjuskiptingu ríkis og sveitarfélaga. Þó ekki sé nema horft á það óréttlæti að sveitarfélög verða að tekjum sem nema gríðarlegum fjárhæðum vegna þess að íbúar þeirra hafa aðeins tekjur af fjármagnstekjuskatti sem rennur óskiptur í ríkiskassann. Meðan sveitarfélögin taka við verkefnum í æ ríkari mæli af ríkinu getur fjármálaráðherra alls ekki gefið yfirlýsingar eins og Árni Matthiessen gerði.

Auðvitað kemur til greina að sveitarfélög fái hlut af þessum tekjum ríkisins. Fyrir því er örugglega meirihluti á Alþingi og örgugglega í ríkisstjórnarflokkunum. Sem betur fer hefur þeim þingmönnum fjölgað á Alþingi nú sem hafa skilning á málefnum sveitarfélaga og er skemmst að minnast yfirlýsinga Kristjáns Þórs Júlíussonar flokksbróður fjármálaráðherra og Sjálfstæðismanni.

Gagnrýna fjármálaráðherra

Athugasemdir

[Haukur Nikulásson, 3.8.2007 kl. 11:03]

Árni Mathiesen er ekki bjartasta peran í íslenskri pólitík.

[Baldvin Esra Einarsson (IP-tala skráð) 3.8.2007 kl. 17:52]

Ég skil svo sem Árna, ég hef heldur ekki orðið var við neinar stórkostlegar áherslubreytingar.

En hann er rökleysan og íhaldið uppmálað og verður það áfram hvort sem samfylking er í stjórn eða ekki.