Lögleysa um allt land líklega.

Oddur stekkur á umræðuna eins og vanalega þegar ákvarðanir liggja fyrir og er á móti eða situr hjá. Það er í þessu máli sem svo mörgum öðrum að Oddur þykist ekkert vita og ekki heyrt af málum þegar eitthvað liggur fyrir. Það er umhugsunarefni hversu mikið fer framhjá þessu ágæta bæjarfulltrúa sem meira að segja situr í Bæjarráði. Hann hefur ekkert lagt til eða rætt sennilega af því þetta fór "framhjá honum" Þetta mál er búið að vera á umræðudagskrá meira og minna í margar vikur. Nú liggur ákvörðum fyrir í samvinnu við rekstraraðila. Skoðanir eru að sjálfsögðu skiptar en mjög margir eru ánægðir með þetta ákvörðun því ástand um þessa helgi hefur verið óviðundandi um margra ára skeið. Þetta er enn ein tilraunin til að ná tökum á ástandinu. Að gera ekkert var ekki með í myndinni.

Lögleysa segja margir. Það er þá orðið tímabært að skoða þessi mál um allt land. Mjög mikill fjöldi tjaldsvæða eru með aldurstakmörk og mörg hver hafa verið það árum saman. Laugarvatn er með hæstan aldur sem ég hef heyrt af, 30 ár. Víða er aldursviðmið 25 ár og annarssstaðar 20 ár, t.d. hér á Hrafnagili. Það er þá jafn mikil lögleysa sem viðgengst á tjaldsvæðum mjög víða og þær aldursreglur sem tjaldsvæði landsins hafa verið að setja sér eru af brýnni nauðsyn og eiginlega nauðvörn í ljósi sögunnar.

 Akureyri er bara enn einn staðurinn sem grípur til þessa ráðs til að reyna að skapa gestum sínum umhverfi við hæfi.  Aldursviðmið eru notuð í allskonar rekstri og sem dæmi eru veitinga og skemmtistaðir með ýmiskonar reglur sem spanna svæðið frá 18 árum sem er almenna reglan og alveg upp í 25 ár. Það hefur enginn amast við því svo ég viti til. Sjallinn á Akureyri skilst mér að sé með 20 ár sem er þá frávik frá almennu reglunni um tvö ár sem er þá með sömu rökum lögleysa eða hvað.

Efast um að ákvörðun bæjaryfirvalda á Akureyri standist lög

Athugasemdir

[Óskar Þorkelsson, 3.8.2007 kl. 07:53]

Ég hf aldrei skilið þessa "útihátið" á Akureyri.. Hvað er spennandi við það að tjalda í bæ eða borg ?  Eru unglingarnir okkar orðnir svo ósjálfbjarga að það verður að vera hægt að skjótast í puslu með öllu hvenær sem er ?

gott framtak akureyringar, lokið bænum fyrir þessari "skemm-tun"

[Hreiðar Eiríksson, 3.8.2007 kl. 11:48]

Mér finnst vanta samræmi.  Akureyri er orðinn eins og bær sem amast við því fólki sem þangað vill koma.  Ég hef verið að fylgjast með bæjarlífinu undanfarna daga og tek eftir því að hingað eru nú komnir nokkrir harðir afbrotamenn og vímuefnaneytendur sem eru á fertugs- og fimmtugsaldri.  Þeir virðst vera hér auðfúsugestir en ekki unga fólkið.

[Jón Ingi Cæsarsson, 3.8.2007 kl. 12:06]

Þú segir ekki Hreiðar...þú ættir kannski að upplýsa hverjir þetta eru...ekki vitum við það þessi almenni pöpull. Það ætti að vera borgarleg skylda þín að upplýsa slíkt svo hægt sé að grípa til fyrirbyggjandi aðgerða.

[Helga Dögg Sverrisdóttir (IP-tala skráð) 3.8.2007 kl. 12:33]

Sæll Jón Ingi.

Mér finnst yfirvöld hér í bæ taka þessa ákvörðun afar seint. Margt ungmennið hefur þegar gert ráðstafanir, því skemmtun um þessa helgi er sjaldan skyndiákvörðun. Ég trúi því ekki að úrræði finnist ekki til að sporna við ,,ólátum" í bænum og er sammála Hreiðari, þetta er verkefni ekki vandamál. Þeir aðilar sem standa að slíkri skemmtun og hagnast af henni ættu kannski að leggja í púkk við að efla gæsluna, já Vinir Akureyrar verða að láta til sín taka. Eins og venja er eru svartir sauðir meðal fólks og er ég þess fullviss að meirihluti þeirra ungmenna sem koma hegða sér vel og eru til fyrirmyndar.

Kveðja Helga Dögg

[Jón Ingi Cæsarsson, 3.8.2007 kl. 12:54]

Helga...það er nokkuð langt síðan ákvörðun var tekin að hafa ekki sérstök unglingatjaldsvæði. Það er líka nokkuð síðan að það lá fyrir að rekstraraðilar tjaldsvæðanna sem er skátafélagið Klakkur taldi það skaða ímynd tjaldsvæðana og valda almennum gestum þeirra miklu ónæði ef það sem gerst hefur á þessum unglingatjaldsvæðum, færðist að Hömrum eða á Þórunnarstrætið. Auk þess vildi Súlur björgunarsveit ekki semja um gæslu á tjaldsvæðum hér.

Ástandið á unglingatjaldsvæðum undanfarin ár hefur verið vægt sagt afleitt og slíkt var ekki hægt að bjóða fjölskyldufólki og börnum á almennu tjaldsvæðum upp á. Þess vegna varð að grípa til fyrirbyggjandi aðgerða til að koma í veg fyrir slys. Á bíladögum var ástand á Hömrum afar slæmt og fólk sem þar var gestkomandi forðaði sér í stórum hópum undan því ástandi og samt var gríðarlega öflug gæsla.

Akureyringar hafa langa reynslu í því að sjá hvernig ástand skapast hér í bæ um verslunarmannahelgar eða allt frá 1994. Það er því varla skortur á reynslu eða fljótfærni sem stjórnar þessari ákvörðun