Víða Framsóknarflokkar.

Það verður æ algengara að menn takast á um framkvæmdir á svæðum sem eru á einhvern hátt dýrmæt vegna náttúru. Í þessari frétt kemur fram að það er framkvæmdastjórn Evrópusambandsins sem eru að beita sér í að framkvæmdir í Póllandi valdi ekki skemmdum á dýrmætu lífríki. Þetta hefði verið óhugsandi ef Pólland hefði ekki nýverið gengið í sambandið og þá hefðu þeir farið sínu fram eins og verið hefur áratugum saman í Austur Evrópu. Þarna er um að ræða veg sem liggur milli Varsjár og Helsinki og er því vafalaust mjög mikilvægur og allt það um slíkt er sagt. Það minnir okkur á viðbrögð hagsmunaaðila sem telja veginn í Barðastrandasýslu, um Teigsskóg algjöra nauðsyn þar sem hann er áætlaðu,r þrátt fyrir skemmdir á dýrmætri náttúru.

Kannski verða þessi mál ekki skoðuð með ásættanlegum hætti fyrir en við verðum komin í Evrópusambandið og fáum aðhald. Framsóknarhugsunin er landanum mjög í blóð borin að nauðsyn brjóti lög í náttúruverndarmálum. Það er td ekki spurning að Evrópusambandið hefði eitthvað haft við skemmdarverkin við Kárahnjúka að athuga. Þessar staðreyndir ásamt ýmsum öðrum valda trúlega áhugaleysi stórnmálamanna á Íslandi að ganga í það ágæta samband.

Við verðum endilega að halda í "sjálfstæði" þjóðarinnar en ekki ganga þessu "sambandi" á vald. Við erum þegar 80% aðilar að þessu sambandi sem beitir sér nú í málefnum náttúrunnar í Póllandi. Kannski er Evrópusambandið vörn okkar náttúruverndarsinna á Íslandi gegn Framsónarhugsunarhætti okkar í þeim málaflokki. Þetta ættu þeir VG menn kannski að hugleiða þegar þeir beita sér fyrir einangun landsins á alþóðavísu. Það er kannski betra að vera í Evrópusambandinu en Framsóknarsambandinu hvað varðar hugsunarhátt í umhverfismálum.

ESB reynir að koma í veg fyrir veglagningu í Póllandi.