Hallrekstur sjúkrastofnanna. Ábyrgð Alþingis.

Heilbrigðisþjónusta á Íslandi er á ábyrgð Alþingis íslendinga og stjórnvalda hverju sinni. Við höfum ekki ráðist í einkavæðingu sjúkarhúsa enn sem komið er og verður vonandi aldrei. Þetta endalausa snakk um hallarekstur Landspítala er ótrúlegt kjaftæði og það hlýtur að vera ömurlegt að vinna við þær aðstæður að stjórnmálamenn láta sem sjúkrahús á landinu séu illa rekin og endalaus "taprekstur" gangi ekki. Síðan er hagrætt, dregið úr þjónustu, deildum lokað og fólk látið liggja á göngum. Auk þess fæst starfsfólk ekki til starfa því búið er að skera inn að beini í launastefnu og starfsmannamálum.

Niðurstaða alls þessa er að starfsfólk fæst ekki til starfa, þjónustan er neðan viðmiðunarmarka og sjúklingar liggja á göngum. Og hver ber svo ábyrgð á öllu jukkinu ? Eru það stjórnendur spítanna sem settir eru í spennitreyju allt of lágra fjárveitinga og óraunsæis stjórnmálamanna.

Þetta er auðvitað ekki hallarekstur. Þetta er skortur á fjármagni til þessara stofnana til að þær geti rækt hlutverk sitt á sómasamlegan hátt. Hvernig má það vera að ríkisstofnum eigi ekki fyrir launum og lyfjum nema út á krít. Hvernig má það vera að spítali skuldi byrgjum mörg hundruð milljónir ?

Ábyrgðin er Alþingis. Hvernig væri að ákveða hvort við ætlum að halda hér gangandi nútíma heilsugæslu eða ætlum að halda áfram að reka þetta á horriminni. Það vantar meira fé frá ríkissjóði til að reka þessar stofnanir.... alþingsmenn og ráðherrar...hvernig væri að horfa í eigin barm og átta sig á hverjir bera ábyrgð á þessari hörmungarstöðu.

Viðvarandi vanskil LSH