Río Tinto í miðbæ Hafnarfjarðar.

Valgerður Sverrisdóttir umhverfisaðdáandi virðist vilja að stórfyrirtækið Rio Tinto fái veiðileyfi á Ísland eins og þeir hafa fengið víða og margir minnast.  Valgerður sem sennilega verður útnefnd óvinur náttúru landsins númer eitt í fyllingu tímans undrast að einhverjir hafi efasemdir um aðkomu þessa fræga fyrirtækis að náttúru landsins. Það er ekki verra en vant er með Valgerði, skilningur hennar á náttúru og umhverfisvernd er enginn og má til furðu telja þar sem hún er úr sveit og það í fegursta firði landins.

Sennilega er Valgerður ekki enn að skilja af hverju Framsóknarflokkurinn er við að hverfa en eimitt þetta sjónarmið hefur vegið þungt í útrýmingu flokksins og það er vel að nýr varaformaður hans áttar sig ekki á því. Valgerður, það er eins gott að sjónarmið Framsóknarflokksins eru ekki í hávegum höfð. Varaformanninum þykir ekkert sjálfsagðara en frægasta umhverfisóþverrafyrirtæki heimsins fái aðgang að miðbæ Hafnarfjarðar með áform sín og aðferðir.

Valgerður Sverrisdóttir undrast ummæli iðnaðarráðherra um Rio Tinto

Athugasemdir

[Hreiðar Eiríksson, 15.7.2007 kl. 01:05]

Ég fæ nú ekki séð, hvaða áhrif Valgerður blessunin hefur á þetta mál.  Þótt ég sé ópólitískur þá minnir mig að Samfylkingin sé í meirihluta í Hafnarfjarðarbæ og einnig í ríkisstjórn.  Mál sem snúast um þessa álverksmiðju eru á forræði Hafnarfjarðarbæjar og ríkisstjórnar Íslands að svo miklu leiti sem þau eru ekki málefni fyrirtækisins sjálfs.