Á 10 dögum sem Framsókn gat ekki á 10 árum.

Gaman að bóndanum á Lómatjörn. Nú ætlar hún nýrri ríkisstjórn og nýjum samgönguráðherra að efna það á tíu dögum, sem henni tókst ekki á 10 árum, eiginlega 12 árum. Það er gleðilegt hversu mikla trú fyrrverandi utanríkisráðherra hefur á Kristjáni L Möller að ætlar honum að ganga frá málum á örfáum dögum og kallar það svik á kosningaloforðum að málin eru ekki í höfn nú þegar.

Valgerður gerir meiri kröfur til nýrrar ríkisstjórnar en sjálfrar sín því fræg eru loforðin sem Lómatjarnarbóndinn gaf í aðdraganda kosninga á hinum og þessu tímum. Þau eiga það flest sameiginlegt að hafa ekki orðið að veruleika. Þar má nefna lífefnaverksmiðju á Húsavík og brettaverksmiðju í Mývatnssveit svo fátt eitt sé nefnt.

Ég er kátur með að Valgerður hefur svona mikla trú, að Kristján L Möller og félagar gætu klárað málið á 10 dögum, málið sem hún og Framsókn væflaðist með í áratug tæpan þar á undan. Vertu róleg Valgerður mín, þetta kemur allt saman, Framsókn er komin í langt frí.

Segir kosningaloforð um Vaðlaheiðargöng svikið

Athugasemdir

[Ólafur Sveinn Haraldsson (IP-tala skráð) 4.6.2007 kl. 23:53]

Sæll

Ekkert óeðlilegt við það að Samfylkingarmenn standi við stóru orðin. Samfylking er ung og óreynd og mun brátt sjá, að það var auðvelt að vera í stjórnarandstöðu.

mbk.

[Jón Halldór Guðmundsson, 5.6.2007 kl. 16:54]

Enginn ætti að efast um að Samfylkingin og ekki síst Kristján Möller hafa mikinn hug á að gera stórátak í samgöngumálum. Ég tel raunar að mjög margir sem kusu aðra flokka í síðustu kosningum hafa mikinn áhuga á að þetta verði gert.

Ég treysti því að þetta samgönguátak, sem er mikið byggðamál, hljóti stuðning í þinginu. Það þarf að fá fjármagn og samgönguáætlun er auðvitað í gildi fyrir næst ár og það þarf kannski að auka þar við.

Ég skil vel að það er freistandi fyrir fulltrúa stjórnarandstöðunnar að búa til smá leikrit með fyrirspurn þar sem íjað er að stórkostlegum loforðasvikum ráðherrans.

En við skulum sjá. Kannski eitthvað af loforðunum verði að framkvæmdum, þó að það taki meira en örfáar vikur.

[Páll Jóhannesson, 5.6.2007 kl. 16:59]

Auðvitað hefur Valgerður meiri trú á Kristjáni Möller heldur en sjálfri sér.... ég hef líka meiri trú á Kristjáni en henni  það eigum við sameiginlegt