Hvað er að fólki ?

Það er skýrt og greinilegt ákvæði í stjórnarsáttmálanum hvað þetta varðar. Það er eiginlega bráðfyndið að heyra og sjá hvernig margir eru að reyna að búa til úr þessu vandamál eða ágreining.

"Slík svæði eru Askja, Brennisteinsfjöll, Hveravellir, Kerlingafjöll, Kverkfjöll og Torfajökull. Vatnasviði Jökulsár á Fjöllum verði bætt við Vatnajökulsþjóðgarðinn og tryggt að ekki verði snert við Langasjó í virkjanaskyni. Stækkun friðlandsins í Þjórsárverum verði tryggð þannig að það nái yfir hið sérstaka votlendi veranna "

Mér finnst þetta ekki vera neitt sérstaklega óskýrt.  Þessi litla setning þýðir að ekki verður ráðist í Norðlingaölduvirkjun, það vita þeir sem þarna þekkja til.

Það er gaman að sjá fjölmiðla og bloggara reyna að búa til ágreining í ríkisstjórninni. Það að menn tali skýrt og láti af loðmullu og framsóknarframsetningum á að þýða ágreining. Þessi ríkisstjórn og þeir sem þar eru innanborðs frá Samfylkingunni ætla að takast á við mál og leysa ágreining sem fengið hefur að byggjast upp í þjóðfélaginu í áratugi. Ég held að menn ættu að fara að átta sig á að það hefur orðið breyting á stjórn þessa lands.

Össur segir ríkisstjórnina ekki munu ráðast í Norðlingaölduveitu

Athugasemdir

[Hörður Jónasson, 28.5.2007 kl. 00:55]

Sæl Jón Ingi.

Ég er þér hjartanlega sammála með þetta.

Ég hafði líka talið að þetta væri nógu skýrt.

Ég treysti svo Össurri til að halda vel á þessum málum.

Kveðja, Hörður.

[Lára Stefánsdóttir, 28.5.2007 kl. 00:58]

Ég treysti Þórunni Sveinbjarnardóttir fullkomlega til að sjá um umhverfismál í þessu landi. Hún hefur verið einarður baráttumaður í málaflokknum, gífurlega öflugur þingmaður og eftirsóknarvert að hafa hana sem ráðherra í umhverfisráðuneytinu. Þar hefur ekki áður setið jafn öflugur umhverfisverndarsinni og verður spennandi að sjá hana marka sín spor.