Mikil frétt en af hverju ?

Hver er fréttin í þessu tilfelli ? Erlent glæpagengi stal fiskveislu. Er fréttin að fiskveislu var stolið, eða er fréttin að það voru útlendingar sem stálu bæði bíl og veislu ? Þetta minnir mig svolítið á fréttina um Rúmenana sem sendir voru úr landi af því að þeir voru líklega undanfarar erlendra glæpamanna eða gengja. Þetta er örugglega mikið og harðsvírað glæpagengi eins og það er orðað. Er kannski verið að nota nokkuð sterk orð í þessari frétt....hvað veit ég ? Hefði þessi frétt verið skrifuð ef þetta hefðu verið íslenskir unglingar ? Ég bara spyr.

Ég verð að segja það að mér finnst þetta vera farið að minna mig nokkuð á Falung Gong umræðuna um árið. Einhverjir ætla að taka að sér að ákveða hverjir eru líklegir til að stela og brjóta af sér og taka því upp fyrirbyggjandi löggæslu á Íslandi.

Það gæti falist í því að t.d. taka bíla af þeim sem eru líklegir til að keyra fullir. Það mætti jafnvel taka af þeim prófið fyrirfram. Það má líka taka þá sem eru líklegir til að brjótast inn um helgar og stinga þeim í steininn fram á mánudagsmorgun. Það er ágætlega fyrirbyggjandi. Svo gæti þetta jafnvel tekið á sig enn þróaðri og þroskaðri mynd og það mætti taka þá úr umferð sem eru líklegir til að kjósa "ranga" flokka og geyma þá á öruggum stað fram á næsta sunnudag.

En að öllu gríni slepptu.... erum við á réttri braut ?

Erlent glæpagengi stal fiskveislu