Hvað er í gangi ?

Mér finnst að mál að linni. Hver hugmyndin á fætur annari um óraunhæf áform í stóriðjumálum líta dagsins ljós. Það er eins og allsherjar uppboð á Íslandi og náttúru þess sé í aðdraganda kosninga. Slatti af álverum, Helguvík, Keilisnes, Bakki og Þorlákshöfn. Risaolíuhreinsistöð á Vestfjörðum er nýjasta innleggið í þessa umræðu. Þær hugmyndir eru hreint fáránlegar og úr öllum takti við þann raunveruleika sem við eigum við að glíma í núinu. Staðsetning í þröngum firði langt fá orku og fjarri siglingaleiðum er eiginlega svo fráleið að maður á eiginlega ekki til orð. Það stórundarlegt að sjá og heyra menn sem eiga að teljast ábyrgir að opna svona mál. Hvaða hagsmunum er verið að þjóna ? Er verið að dreifa umræðunni í þágu stjórnarflokkanna ?

Kvóti Íslands í mengun er uppurinn með þeim hugmyndum um iðnað á áli. Hvar á að taka kvóta fyrir slíkum óskapnaði sem þessum ? Þetta minnir mig á loforðadreifingu þáverandi iðnaðarráðherra í aðdraganda kosninga 2003. Þá var allskonar iðnaður í umræðunni m.a. á Húsavík þar sem lofað var feitt á þeim tíma. Ekkert af því hefur gengið eftir. Getur það verið að þessari umræðu hafi verið "plantað" á þessum tímapunkti til að draga athygli frá klúðri stjórnarflokkana í þessum landshluta. Mér er nær að trúa því, svo fráleit er þessi umræða um olíuhreinsistöð þarna í ljósi augljósra staðreynda.

Olíuhreinsistöð í Dýrafirði stangast á við stefnu Fjórðungsþings Vestfirðinga