Samfylkingin að ná sér á strik.

Samfylkingin vann stórsigur í þessu kjördæmi síðast og fékk rúmlega 29 %. Enn liggur flokkurinn aðeins undir því metfylgi og er með milli 25 og 26% og halda sínum þremur kjördæmakjörnu þingmönnum.  Sjallar standa í stað en VG bætir verulega við sig en eru samt nokkuð langt undir því fylgi sem sést hefur að undanförnu á landsvísu. Frjálslyndir missa sinn mann og Framsókn annan sinna. Þetta þótti Guðna góð niðurstaða en hver hefur sinn smekk fyrir viðmið.

Enn sjáum við það trend að Samfylkingin er að bæta við sig fylgi í könnunum. Það er ekki undarlegt og ég veit að nú er komið að þeirri stundu að þessi 40-45 % óákveðinna fari að gera upp hug sinn. Það eru þeir sem taka ekki afstöðu fyrr en þeir sjá stefnuskrár og heyra málflutning flokkanna. Samfylkingin hefur verið að kynna til leiks stefnumiðin eitt af öðru og í dag var kynnt úttekt sem flokkurinn lét gera um efnahagsmálin. Það ásamt svo mörgu öðru hrekur út í hafsauga það rakalausa bull sem viðhaft er um flokkinn og meint stefnuleysi hans. Kjósendur munu sjá í gegnum rakalausan þvætting andstæðinganna. 

Félagar mínir í Suðrinu hafa náð flottu flugi og stutt er í metið frá 2003 þegar jafnaðarmannaflokkur náði þeim stórmerka áfanga að vera stærsti flokkurinn á þessu svæði. Björgvin Guðni er flottur stjórnmálamaður og verðugur arftaki Margrétar Frímannsdóttur.

Í lokin get ég vart orða bundist yfir málflutningi landbúnaðarráðherrans. Maður verður eiginlega sorgmæddur að hlusta á steypuhrærivélina Guðna Ágústsson.  Einhvernveginn finnst mér hann aldrei hafa fattað að hann er í stjórnmálum og stjórnmál eru kúnst og alvarlegt mál. Hann er alltaf að skemmta á þorrablótum og fáir undir þrítugu skilja hvað hann er að segja þegar hann kemst á flug....

Stóraukið fylgi VG í Suðurkjördæmi

Athugasemdir

[Páll Jóhannesson, 11.4.2007 kl. 20:43]

,,Hún er góð íslenska paprikkann" þegar Guðni opnar munninn þá detta oftast út úr honum ,,gamlir" lúnir fimmaura brandarar, sem eru löngu komnir úr tísku - eins og Framsóknarflokkurinn í heild . Já við Samfylkingarfólk tökum þetta hægt og bítandi og af öryggi þegar upp verður staðið.