Siðleysi stjórnarflokkanna er algjört.

Fyrirætlan ríkisstjórnarinnar að úthluta makrílkvóta til næstu sex ára sætir vaxandi gagnrýni. Samkvæmt frumvarpinu fá stóru útgerðirnar 95 prósent kvótans. Þar að auki fá 20 aflahæstu smábátarnir, sem veitt hafa makríl á færi á undanförnum árum, um helming smábátakvótans. Aðrir 140 smábátar, sem lagt hafa fé og fyrirhöfn í veiðarnar á undanförnum árum, fá að jafnaði 27 tonn úthlutað samkvæmt frumvarpinu.

_______________

Kvótakerfið er siðlaust og sérstaklega sniðið að þörfum stórútgerða.

Tækifæri var til að láta markrílmálin í annan farveg.

En Sjálfstæðisflokkur og Framsóknarflokkur standa þétt að baki vinna sinna og úthluta nánast öllum verðmætum markríls til vina sinna og helstu stuðningsaðila.

Þessi gjörningur fullkomnar siðleysi ríkisstjórnarflokkanna.

Og að úthluta síðan þessum verðmætum til sex ára að lágmarki hverju sinni sýnir algjöran vilja þessara flokka til að undirstrika siðleysið.

Það er ábatasamt að vera vinur Sjálfstæðis og Framsóknarflokks.

 

 

Athugasemdir

[Trausti (IP-tala skráð) 21.4.2015 kl. 13:32]

Síðasta ríkisstjórn á sinn þátt í þessu. Hefðu þeir sett umsóknina um aðild að ESB í þjóðaratkvæði,áður en sótt var um aðild, samþykkt nýju stjórnarskrána og hafið innköllun kvótans eins og þeir lofuðu, væri ástandið betra hér á landi. Núverandi ríkisstjórn væri ekki við völd.

Þá fengist rétt verð fyrir afnot af sjávarauðlindinni með réttu afnotagjaldi og einnig væri hægt að koma á frjálsum handfæraveiðum í áföngum.