Vanhugsuð tillaga Höskuldar þingmanns Framsóknar.

Bæjarstjórinn á Akureyri segist telja ólíklegt að sveitarfélag sé tilbúið að láta frá sér skipulagsvald, hinsvegar sé land í eigu ríkisins alltaf skipulagt í samráði við landeigendann.„Mér finnst eðlilegt að landeigandinn og það hefur verið þannig í langflestum tillvikum þar sem að landeigandi ekki bara út af flugvelli heldur út af öðrum aðstæðum, leggur fram skipulagstillögu að sveitarfélagið samþykki tillöguna sem kemur frá landeigandum.“

( ruv.is )

Þingmaðurinn Höskuldur Þórhallsson er lagður af stað í vanhugsaða skógarferð.

Til að þjóna skammtímahagsmunum Framsóknarflokksins í flugvallarumræðu vill hann taka skipulagsvaldið af sveitarfélögum og færa það til ríkisins.

Slík tillaga er afar óhugsuð og gengur gegn grundvallarhugmyndafræði skipulagsmála.

Þessi tillaga er aðeins ávísun á deilur og ósamstöðu og mun sennilega aldrei ná fram að ganga.

Hvar á að láta staðar numið þegar kemur að því að taka skipulagsvald af sveitarfélögum vegna meintra almannahagsmuna ?

Á að taka skipulagsvald af sveitarfélögum í t.d. raflínumálum, hafnarmálum, þjóðvegamálum o.s.frv ?

Þar má með rökum sína fram á að gildi almannahagmunareglan eða hvað ?

Eða er þetta bara hentistefna þingmannsins?

Ég get ekki séð að samflokkmenn hans í sveitarstjórnum skrifi upp á þessa hugmyndafræði.