Forsætisráðherra og fáránleikaumræðan.

Forsætisráðherra er sérkennilegur tappi.

Hann dettur í fjölmiðla og fer að ræða ýmis mál sem eru hreinlega ekki á dagskrá.

Hann hefur engan áhuga á að ræða hin daglegu vandamál og það sem brennur á þjóðinni.

Vill hann ræða ástand á vinnumarkaði og yfirstandandi og væntaleg verkföll ?

Vill hann ræða eiðlífardrátt á afnámi gjaldeyrishafta og þeim seinagangi sem þar blasir við öllu ?

Vill hann ræða sleifarlagið á þingi og þann mikla skort á verkstjórn og skilvirkni sem blasir við öllum ?

Nei.

Hann vill ræða viðbyggingu við Alþingi eftir 100 ára gömlum teikningum.

Hann vill ræða byggingu nýrrar Valhallar á Þingvöllum í fullkominni andstöðu við Þingvallanefnd.

Hann vill alls ekki horfast í augu við þau mál sem heitast brenna.

Fyrir all löngu var keisari sem horfði á borg sína brenna og spilaði og söng á meðan.

Að kvöldi 18. júlí eða aðfaranótt 19. júlí 64 braust út eldur í nokkrum búðum í suðaustanverðum Circus Maximus. Eldurinn brann í 9 daga. Tacitus skrifaði að Neró hafi séð eldana brenna úr Maecenas turninum og sagt frá því að í bjarma loganna hafi hann sungið hans venjubundna sviðshlutverk. Aðrir herma (Tacitus, Ann. xv; Suetonius, Nero xxxvii; Dio Cassius, R.H. lxii.) að Neró hafi leikið á lýru (eins konar hörpu) og sungið á Quirinalis hæðinni.

 

Forsætisráðherra Íslands er í eigin heimi. Hann er ekki í sambandi við þau mál sem brýnast er að leysa.

Og það merkilega við þetta er að fjölmiðlar spila með og stökkva á fáránleikann en sleppa því að ræða alvörumálin við forsætis.

Honum tekst óaðfinnalega að drepa málum á dreif.

Honum tekst að fífla fjölmiðlana og stjórna umræðunni með fáránleikanum.

Kannski á þetta bara að vera svona ?

Athugasemdir

[Elín Sigurðardóttir (IP-tala skráð) 7.4.2015 kl. 14:57]

Er hann ekki bara að taka Jón Gnarr á þetta?  Hann gæti líka prófað að breyta hárgreiðslunni og láta sér vaxa Hitlersskegg.  Það væri eitthvað.

[Elín Sigurðardóttir (IP-tala skráð) 7.4.2015 kl. 15:28]

Hann gæti í framhaldinu skrifað pistil um það hvað heilbrigðiskerfið er óhagkvæmt og óþarflega dýrt.  Lúxus-sósíalismi fyrir ofdekraða krakka.  Endað síðsn pistilinn með sniðugu og ókeypis heilræði:  Þvoið ykkur um hendurnar krakkar!  

http://www.visir.is/jon-gnarr--sorphirda-i-reykjavik-ohagkvaem-og-otharflega-dyr/article/2015150329851