Sérkennilegt.

Nýjasta könnun Capacent Gallups er sérkennileg. Flestir flokkar standa í stað en Sjálfstæðisflokkur hækkar og nær eingöngu á kostnað VG. Þetta er sérkennilegt munstur og samkvæmt þessu heldur ríkisstjórninn velli. Það er langt síðan það hefur gerst í könnun að mig minnir.

Samfylking stendur enn í stað rétt innan við 20 prósentin en VG er kominn niður í 21% eftir að hafa verið í 28% fyrir skömmu. Fréttin segir ekkert um hversu margir gefa ekki upp afstöðu sína en mér virðist á þessu að þeim hafi heldur fjölgað því breytingin er sérstök. Flokkarnir sem gera út á umhverfismálin dala sem gæti staðfest það sem margir héldu fram að fókusinn á þann málaflokk minkaði þegar kosingunni í Hafnarfirði lyki.

Ég átta mig ekki alveg á vinsældum Sjálfstæðisflokksins nema væri að óákveðnum hefði fjölgað. Það hefur skýrst með afgerandi hætti undanfarna daga hversu illa flokkurinn hefur haldið á efnahagsmálum þannig að þetta ætti ekki að standast. Annars held ég að meginástæðan sé að stjórnmál hafa ekki verið mikið i umræðunni síðustu daga og þá græðir Sjálfstæðisflokkurinn venjulega. Ég bíð og sé hvað setur í greiningu í kjördæmum því við hér fyrir norðan erum með nýja könnun héðan með 800 manna úrtaki sem ætti að mæla þetta betur en fámennara úrtak Gallup.

Sjálfstæðisflokkur með rúm 40% og VG með 21%

Athugasemdir

[Svavar Friðriksson (IP-tala skráð) 5.4.2007 kl. 08:43]

Ég held að þegar fólk hafi borið saman bækur sínar og skoðað alla valkosti þá standi Sjálfstæðisflokkurinn fremstur í vali fólksins. Sjálfur hef ég stundum ætlað kjósa annan flokk en x-D en eftir ítarlega skoðun endað alltaf á mínum gamla flokki.  Það er einfaldlega ekkert annað nógu traustvekjandi og sterkt afl í boði sem maður treystir í ríkisstjórn.  Megum ekki gleyma því að landsfundurinn er eftir hjá Sjálfsstæðismönnum og þá ættu þeir jafnvel að hækka enn frekar í kjölfarið á honum.  Góðar páskastundir.