Kjánarnir í Stjórnarráðinu.

 

 

 Það hefur verið fróðlegt að fylgast með þingmönnum og ráðherrum stjórnarflokkanna síðustu klukkustundir.

 Sendiboðinn úr Skagafirði sendur í aulaleiðangur með bréfkorn sem sumir stjórnarþingmenn halda fram að hafi ekki verið slit aðildarviðræðna.

Aðrir velunnarar stjórnarinnar eins og t.d. Davíð Oddsson gleðst í stríðsletri í Mogga.

Þingforseti sem hafði áunnið sér traust stjórnarandstöðunnar tapaði þvi fullkomlega á fundi um þessi mál. Neitaði þingmönnum um þingfund. Fordæmalaus lítilsvirðing.

En aularnir í þessu stóra máli eru verkstjórarnir.  Það er fátt sem þeim hefur ekki tekist að klúðra og nú búa þeir orðið við fullkomið vantraust þjóðarinnar.

Nú er ljóst að þeir hafa auk þess sett þingstörf upp í loft og jafnframt tekist að sameina stjórnarandstöðuna og þjóðina.

Það fer að vera erfitt fyrir þá félaga að sitja áfram, með alla þjóðina ofsareiða.

Virðingarleysi þeirra er svo ósvífið og fordæmalaust að reiðin gæti jafnvel skolað þeim úr ríkisstjórn þegar allt fer í bál og brand.

Það er hægt að ásaka þessa tvo fyrir flest annað en skynsemi.

Hún er engin.