Hönnuð atburðarás ?

Ég velti því fyrir mér. Er þetta hönnuð atburðarás ? Það er tæpt ár síðan haldið var fram að stórveldin stefndu að árás á Íran með vorinu 2007. Ég man ekki hvaða erlendi fjölmiðill var með þessa frétt og þar var haldi fram að hún hæfist með loftárásum Ísraels á kjarnorkuvinnslu landsins. Bandaríkjamenn hafa nú dregið saman gríðarlegan flota á svæðið og margt bendir til að fréttin sé rétt. Ég hreinlega man ekki hvort hún var borin til baka á sínum tíma eða var bara þöguð í hel.

Er svo þessi atburður með bresku sjóliðana kubbur í þetta púsluspil ? Maður bara spyr. Þeir félagar Bush og Blair eru nánast viti sínu fjær og nú þegar þingið fyrir vestan hefur stillt forsetanum upp við vegg og Blair á leið úr embætti er hver síðastur að grípa til aðgerða. Mér þykir líklegt að þessir leiðtogar séu enn og aftur að hanna atburðarás sem eigi eftir að kosta hundruð þúsunda lífið. Stundum verða slys í lýðræðisríkjum þegar kosnir eru menn sem blindast af heift og heimsku. Það er því miður staðreyndin með þessa tvo.

Öryggisráðið lýsir „alvarlegum áhyggjum“ af töku bresku sjóliðanna