Ágreiningur stjórnarflokkanna fer vaxandi.

Mikill ágreiningur er á milli stjórnarflokkanna um frumvarp Sigurðar Inga Jóhannessonar, sjávarútvegs- og landbúnaðarráðherra, um fiskveiðistjórnun. Frumvarpið var tilbúið fyrir jól en hefur ekki farið fyrir ríkisstjórn enn þá. Heimildir Fréttablaðsins herma að ágreiningur stjórnarflokkanna skýri það að málið sé ekki komið lengra.

( visir.is )

_______________

Friðarbandalag íhaldsflokkanna er eitthvað að trosna á saumunum.

Augljós ágreiningur er í mörgum málum og má sem dæmi nefna kvótamálin, ferðapassamálið og húsnæðismálin.

Þessi ágreiningur gerir það að verkum að ríkisstjórninni gengur mjög illa að ljúka stórum málum.

Verkleysið er að verða sláandi og nú styttist í að kjörtímabilið sé hálfnað.

Nú eru margir farnir að spyrja sig í alvöru, heldur þetta samstarf íhaldsflokkanna?   Það er ekki eins sjálfsagt og talið var þegar þessi       "sterki" meirihluti var myndaður.

Sennilega er þessi ríkisstjórn og þetta samstarf lýsandi dæmi um að stór stjórnarmeirihluti er ekkert endilega "sterkur" meirihluti.