Gunnar Bragi er mikill sérfræðingur

„Ljóst er að vandalítið hefði verið fyrir Vegagerðina að „opna“ Laxárdalsheiði og þannig koma hundruðum manna til síns heima og spara þannig fólkinu kostnað og mikil óþægindi,“ segir Gunnar Bragi Sveinsson utanríkisráðherra. Hann undrast viðbrögð Vegagerðarinnar við veðri sem gerði um síðustu helgi.

_____________

Gunnar Bragi Skagafjarðarjarl er mikill sérfræðingur.

Hann veit allt um ESB og telur sig rétt kjörinn til að ráða því fyrir land og þjóð hvað gerist í þeim málum. Enda mikill sérfræðingur í utanríkismálum og sérstaklega hvað Ísland bæri úr bítum í þeim viðræðum.

Það þarf ekki fleiri sérfræðinga í þau mál.

Nú hefur komið í ljós að Gunnar Bragi er mikill sérfræðingur í vegamálum.

Hann veit að það var ekkert mál fyrir Vegagerðina að opna hinar og þessar heiðar svo HANN kæmist heim á leið.

Algjör óþarfi að vera með sérfræðinga í samgöngumálum og veðri.

Gunnar Bragi veit þetta allt.

Hann veit það vafalaust líka að ríkisstjórnin hefur skorið niður fjármagn til Vegagerðarinnar það niður að starfssemi hennar er stórlega skert.

Hann er vafalaus líka sérfræðingur í fjármálum og veit að það er ekkert mál að reka svona stofnun þó engir séu aurarnir.

Gott að hafa svona sérfræðing í stjórnarráðinu.