Mesta klúður ríkisstjórnar í áratugi. Glatað traust.

Ríkisstjórnin hefur á sama tíma horfið alveg frá hefðbundnu þríhliða samstarfi við aðila vinnumarkaðarins. Samstarfið hefur verið við lýði undanfarna áratugi og lagði grunninn að þjóðarsáttinni á sínum tíma og þar hafa menn sammælst um ýmis almenn réttindi launafólks. Síðustu misseri hafa hins vegar einkennst af vaxandi átökum aðila vinnumarkaðar og ríkisstjórnar.

( Samtök atvinnulífsins )

_______________________

Tilvitnun hér að ofan er af heimasíðu Samtaka atvinnulífsins.

Þessi tilvitnun lýsir mjög merkilegri stöðu, SA hefur tapað allri tiltrú á ríkissstjórnina og kenna henni um væntanleg átök á vinnumarkaði með tilheyrandi tjóni.

Silfurskeiðungar í forustu ríkisstjórnarinnar hafa horfið frá allri samvinnu við vinnumarkaðinn og í hroka sínum halda þeir að þeir komist upp með það.

Samtök atvinnulífsins, sem fram að þessu hefur verið heldur höll undir hægri flokka, lýsa hreinu frati á þessa ríkisstjórn sem eru stórtíðindi.

Með því að hafna allri samvinnu við vinnumarkaðinn eru silfurskeiðungar að einangrast í sínum sjálfskipaða fílabeinsturni, úr öllum tengslum við mannlífið í landinu.

Einhvernvegin hefur maður þá trú að það sé að fjara undan þessari ríkisstjórn og hún verði kannski ekki eins langlíf og margir héldu í upphafi.

Meðan þeir keyra þá grýttu leið að halda að hægt sé að stjórna með tilskipunum úr stjórnarráðinu án tillits til fólksins í landinu, þá fjarar undan.

Taust á þeim er ekkert og annar stjórnarflokkurinn er að hverfa í skoðanakönnunum.

Einmitt þetta er ein af ástæðum þess.