Ætlar Framsóknarflokkurinn að gelda Umboðsmann Alþingis ?

Ef frumvarp Sigmundar Davíðs Gunnlaugssonar forsætisráðherra nær fram að ganga verður samhæfingarnefnd um siðferðileg viðmið fyrir stjórnsýsluna lögð niður. Í staðinn fyrir nefndina stendur til að forsætisráðuneytið sjálft gefi stjórnvöldum ráð um túlkun siðareglna, og þá bara þegar eftir því verður leitað.

( kjarninn.is )

________________

Áhugaverð pæling í Kjarnanum. Þar eru vangaveltur um af hverju forsætisráðherra - Framsóknarflokkurinn fer ekki að ráðleggingum umboðsmanns Alþingis.

Allir vita reyndar að umboðsmaður fer mjög í taugarnar á ráðamönnum og vitað er að þeim leiddist ekkert þó það aðhald hyrfi.

Löngun forsætisráðherra um að siðleg gildi heyri undir hann sjálfan ætti að hringja mörgum viðvörunarbjöllum.

Það er reyndar rannsókarefni hversu SDG forsætisráðherra er forn í hugsun og hversu valdagírugur hann er.

Öll umræða fer í taugarnar á honum og að hans mati er flest það sem hann og ríkisstjórnin  segja og gera er það rétta, allt annað en það er rakin misskilningur, hefur ekki sagt og það alltaf rangt.

Að sjálfsögðu er þægilegt fyrir slíkan stjórnmálamann að ráða sjálfur siðlegum gildum og draumurinn væri líka að umboðsmaður Alþingis heyrði sögunni til

Svona hugsun á rætur að rekja til miðaldakónga sem öllu réðu og lýðurinn bara át það sem úti fraus.

Reyndar er þetta merkilegt rannsóknarefni.