Verður ríkisstjórninni að falli ?

Stjórnvöld hafa vikið af sáttaleiðinni sem vörðuð var með aðilum vinnumarkaðarins, að mati Gylfa Arnbjörnssonar, formanns Alþýðusambands Íslands, og vísar hann þar bæði til kjarasamninga kennara og lækna.

________________

Fullkominn trúnaðarbrestur milli ríkisstjórnar og vinnumarkaðar.

Um það eru stéttarfélögin og vinnuveitendur sammála.

Það er ekki hægt að hækka ákveðnar stéttir um 30% og aðra um 3%, það vita allir nema ríkisstjórnin.

Ástandið er grafalvarlegt og ríkisstjórn sem kemur málum í þessa stöðu er hreinlega óhæf til að stjórna landinu.

Ráðamönnum hefur tekist að koma málefnum vinnumarkaðar í fullkomnar ógöngur með samráðsleysi, vanefndum og fjárlögum.

Í öllum venjulegum, siðmenntuðum ríkjum yrði þetta ríkisstjórnum að falli.

Verður það þannig á Íslandi ?