Boðskapurinn frá Bessastöðum er orðinn litlaus.

Guðni Th. sagði í fréttum Stöðvar 2 í kvöld að það sem Ólafur Ragnar gagnrýndi í ávarpinu sé í sjálfu sér gagnrýnisvert líka „Forseta fannst að síðustu ár hafi gagnrýnisraddirnar verið of háværar og að menn megi ekki missa sig í að benda á það sem betur mætti fara. Vissulega er það hlutverk þjóðhöfðingja að vera bjartsýnn en svo eru aðrir í samfélaginu eins og fjölmiðlar og fræðasamfélag sem eiga beinlínis að veita aðhald og forsetinn sagði einu sinni að á Bessastöðum mætti ekki vera puntudúkka en þar mætti heldur ekki vera Pllýanna", sagði Guðni.

( visir.is )

Óttalega var nú gamli baráttujaxlinn litlaus og daufur í nýársávarpi sínu.

Innhaldið var nákvæmlega ekkert nema að reyna að skerpa á því að við værum frábærasta þjóð í heimi og fáir eða engir stæðust okkur snúning.

Sennilega var það áhugaverðast að skoða hvað forsetinn sagði ekki.

Ekki eitt orð um ástandið innanlands nema að hann ræddi aðeins um að fátækt ætti ekki að sjást í þessu frábæra landi. Rétt og satt en margnotuð klisja frá gömulum áramótaávörpum.

Ekkert um launadeilur, óróa á vinnumarkaði, ekkert um lélegan hagvöxt, ekkert um framtíðarhorfur þjóðarinnar, ekkert um framtíðarskipan þjóðarinnar hvað varðar alþjóða samskipti eða þróun næstu ára.

Það sem við sáum var litlaus Pollyanna, sem vildi að öll dýrin í skóginum væru vinir og ættu ekki að vera að ræða nein mál sem skiptu máli.

Það er áður var, ÓRG er hættur.

Hann er bara að klára þennan skamma tíma sem eftir er í embætti og því þá að vera að rugga bátnum.