Haltu kjafti draumar stjórnarflokkanna.

 

Varaþingmaður Sjálfstæðisflokksins segir fréttastofu RÚV, og raunar flesta fjölmiðla, neikvæða í garð ríkisstjórnarinnar og hvetur stjórnarflokkana til að bregðast við með því að gera breytingar á starfsumhverfi fjölmiðla. Meðal annars með því að endurskilgreina þörfina á ríkisfjölmiðli og jafnvel leggja Ríkisútvarpið niður.

_______________

Stjórnarþingmenn, ráðherrar og varaþingmenn stjórnarflokkanna eiga sér draum.

Sá draumur er að allir " óvinveittir " fjölmiðlar verði lagðir niður og umræðan í þjóðfélaginu verði vinveitt og fylgjandi stjórnarstefnunni, sama hvað.

Fastistaflokkar á síðustu öld létu verða sitt fyrsta verk þegar þeir komust til valda að múlbinda fjölmiða og tryggja sér jákvæða umræðu.

Í Sovétríkjunum var aðeins einn sannleikur.

Umræða í þessa veru er að magnast upp á Íslandi.

Forsætisráðherra skælir reglulega yfir vondu fjölmiðlunum og stjórnarþingmenn, margir hverjir kvarta undan neikvæðri umræðu.

Varaþingmaður Sjálfstæðisflokksins vill leggja niður RÚV af því honum líkar ekki gagnrýni eða að fjallað sé um mál af kostgæfni.

Þessi hugmyndafræði sem löngum hefur verið kennd við fasisma er orðin raunveruleiki á Íslandi.

Ég er ekki að halda því fram að Sjálfstæðisflokkur og Framsóknarflokkur séu fastistaflokkar, alls ekki, en eitthvað er samt að breytast í málflutningi þeirra, s.br. umræðu um moskur og vonda útlendinga og drauma um þöggun umræðu.

Hvað sem öðru líður, það má sjá hættumerki víða þegar horft er yfir sviðið.

Við viljum varla að stjórnmál á Íslandi þróist í átt við fasisma - er það nokkuð ?