Grátlegt skilningsleysi hægri flokkanna.

Hags­muna­fé­lag fólks sem er bæði blint og heyrn­ar­laust get­ur ekki haldið stjórn­ar­fundi vegna þess að pen­ing­ar eru ekki til fyr­ir tákn­mál­stúlk­un. Fé­lagið get­ur því ekki beitt sér í helsta hags­muna­máli sínu, sem er að fá aukið fjár­magn til túlkaþjón­ustu. Þetta kem­ur fram á vef RÚV.

_______________

Skilningleysi og/eða mannvonska ?

Það eru orðin sem koma upp í huga manns þegar maður hugleiðir orð menntamálaráðherra þegar hann lýsir því yfir að ekkert fjármagn sé til fyrir túlkaþjónustu blindra og heyrarskertra.

Hann skilur greinilega ekki að með því baráttu og sinnuleysi dæmir hann hóp einstaklinga til einangrunar og áhrifaleysis mánuðum saman.

Það er alls ekki hægt að fyrirgefa stjórnmálamönnum slíkt skilningleysi sem jaðrar við mannvonsku.

Á meðan menntamálaráðherra vælir í uppgjafatón að ekkert fjármagn sé til stökkva aðrir til og fjárfesta í nýjum ráðherrabílum fyrir tugi milljóna.

Þjóðin horfir sporgmædd á aumingjaskapinn.

Formaður fjárlaganefndar virðist allt í einu hafa skammast sín og boðar viðbótarfjármagn til túlkaþjónustu.

Seint verður hún þó ásökuð um raunsarskap, fjórar milljónir í viðbót, 10 % af andvirði ráðherrabílanna nýju.

Í þessu sorglega máli öllu saman má glöggt sjá muninn á jafnaðarpólitík og hægri blindu - stjórnmála.

Þar skipir hið mannlega minna máli, aðeins tölur á blaði og exelskjöl ráða ferðinni hjá núverandi stjórnvöldum.

Athugasemdir

[Jóhannes Laxdal Baldvinsson, 18.11.2014 kl. 04:44]

 Auðvitað er vinsælt að kenna ráðherra um. Sérstaklega þar sem ráðherrann er með flekkað mannorð og situr í ríkisstjórn ríka fólksins.  En....gæti það hugsast að gjaldskrá táknmálstúlka sé ekki óeðlilega há?  Ég sá á netinu að þeir taka 10.000 kr á klst og ef hvert útkall er mælt samkvæmt reglum almenna vinnumarkaðirins þá gætum við verið að tala um 40.000 fyrir hvert viðvik táknmálstúlks.  Hvort sem þjónustan tekur 30 mínútur eða 4 klst. Ég held það væri ekki úr vegi að birta á netinu allar svona greiðslur sem alls konar fólk er að fá greitt úr sameiginlegum sjóði landsmanna. Kæmi ekki á óvart ef þá myndu sumir reikningar lækka umtalsvert.

[Hreinn Sigurðsson, 18.11.2014 kl. 08:42]

Já Jón Ingi. Vel má sjá muninn á jafnaðarpólitík og annarri pólitík.  Á næsta ári þá hafa framlög til túlkaþjónustu hækkað um helming frá tíð vinstri stjórnarinnar.