Stóra strand Framsóknar - leiðréttingar í uppnámi.

http://kjarninn.is/eftirlitsstofnun-efta-skodar-framkvaemd-leidrettingarinnar

 Eftirlitsstofnun EFTA (ESA) hefur tilkynnt íslenskum stjórnvöldum að hún sé að fylgjast með framkvæmd höfuðstólslækkunar á verðtryggðum lánum, sem gengur undir nafninu Leiðréttingin, til að koma í veg fyrir að í henni muni felast ríkisaðstoð til banka. Þeir sem vænta þess að fá höfuðstólslækkun munu væntanlega ekki fá að vita hversu há hún verður fyrr en um næstu mánaðarmót, en tilkynnt hafði verið um það opinberlega að slík vitneskja myndi liggja fyrir í þessari viku.

( kjarninn.is )

Nú er sá dagur sem boðaður var liðinn, í gær áttu þeir sem vonuðust eftir lækkun höfðuðstóls ákveðinna lána að fá upplýsingar um hvað mikið þeim stæði til boða.

En dagurinn leið og ekkert gerðist annað en boðað var að þessar upplýsingar væru ekki klárar og yrðu það í fyrsta lagi um næstu mánaðarmót.

Nú berast af því fréttir að líklegra er þetta flóknara en panta sér pizzu eins og yfirlýsingaglaður Sigmundur Davíð skaut á þjóðina fyrir nokkuð löngu.

Það væri gömul og skorpnuð pizza sem afgreidd væri á þessum hraða.

En nú eru blikur á lofti eins og lesa má í Kjarnanum í gær, eftirlitsstofnanir EFTA fylgjast með og látið er að því liggja að hér gæti verið um ólöglegan gjörning ríkissjóðs að ræða.

Ríkissjóðir landa hafa ekki heimildir til að niðurgreiða lán fyrir einstaklinga í einkabönkum.

Ætli Sigmundi og félögum hafi dottið í hug þessi vinkill ?

Og svo er meira og minna ósamið við lánastofnanir samkvæmt þeim upplýsingum sem berast innan úr kerfinu.

Margt bendir því til að stóra kosningabomba Framsókar sé að breytast í STÓRA STRAND sama flokks.

Og Sjálfstæðisflokkurinn lét plata sig í þessa vegferð fyrir völdin.

En hverjir sitja kannski eftir með sárt ennið ?

Hverjir aðrir en skuldarar þessa lands sem trúðu því að verið væri að REDDA þeim úr skuldaógöngum og vondu hrægammarnir í útlöndum áttu að borga.

Það er ekki öll vitleysan eins. 

Athugasemdir

[Sigurgeir Jónsson, 16.10.2014 kl. 10:54]

ESB-Samfylkingin heldur áfram að vonast til að fá stuðning frá ESB við að viðhalda húsnæðisskuldum fólks.Allt er þetta bull. Niðurgreiðsla á skuldum fólks mun aldrei sannast sem ríkisstuðningur við banka.Þá væri að sama skapi hægt að segja það sama um vaxtabætur.Það sem hangir á spýtunni hjá ESB og Samfylkingunni á Íslandi er að ekki megi taka peninga frá bönkunum, með skattlagningu eða einhverju álíka, til að endurgreiða fólki það sem bankar hafa stolið frá því.Þjónkun Samfylkingarinnar við bankana,sem Samfylkingin afhenti hrægömmum á silfurfati á sér engin takmörk.Og þá ekki síður við það vald sem þjónar hrægömmunum, ESB.

[Jón Ingi Cæsarsson, 16.10.2014 kl. 11:10]

Óttalega ertu ómálefnalegur Sigurgeir.  Það eru eftirlitsstofnanir EFTA sem eru með þetta mál í nákvæmri skoðun. Samfylkingin getur ekki borðið neina ábyrð á EFTA, hvað þá Framsóknarflokknum.  

Þessi vandi er alfarið þar.   Það er verið að setja skattfé í að lækka höfðuðstól skulda sem bankar eiga. Það er ríkisstuðningur. 

[Sigurgeir Jónsson, 18.10.2014 kl. 11:39]

Þú segir Jón að að ríkið sé að lækka skuldir sem bankar eiga.Þetta er bull.Ef kenning þín er rétt þá er verið að taka eitthvað frá bönkum sem þeir  eiga.Það er það sem hangir á spýtunni.Það eru bankarnir og ESB sem standa bak við málatilbúnaðinn.Bankarnir eiga að vera friðhelgir og fá að gera það sem þeim sínist.Þeir hafa þegar hótað málarekstri vegna bankaskattsins sem á að fjármagna greiðslurnar til fólks.Samfylkingin styður bankana í því að ræna fólk.