Bananalýðveldið Ísland.

 

Kastljós í gærkvöldi dró saman og upplýsti landsmenn við hvaða viðskiptaumhverfi neytendur á Íslandi eiga við að glíma.

 http://ruv.is/sarpurinn/kastljos/06102014

Hagsmunir þeirra eru fyrir borð bornir og þeir sem græða eru klíkur þar sem lykilmenn úr Framsóknarflokknum sitja eins og kóngulær í neti og draga til sín fé og verðmæti.

Stjórmálamenn hafa áratugum saman stutt þetta kerfi og varið það, með hagsmuni sinna umbjóðenda að leiðarljósi.

Neytendur í þessu landi eru síðan fórnarlömbin, heimilin í landinu blæða fyrir þessar klíkur sem hugsa um það eitt að raka til sín fjármunum.

Í netinu miðju situr embættismaður í Landbúnaðrráðuneytinu, embættismaður sem Framsóknarflokkurinn hefur staðsett þarna til að gæta hagsmuna þessara klíkna. 

Gömlum afdönkuðum stjórnmálamönnum er síðan komið fyrir á " réttum " stöðum. 

Valdamenn í MS og KF Skagfirðinga gegna þarna lykilhlutverkum. 

Þegar maður er upplýstur um svona kemur orðið bananalýðveldi fyrst upp í hugann.

Hvort Framsóknarflokkurinn hefur síðan umboð kjósenda sinna til svona starfssemi er síðan umhugsunarefni.

Svona hefur þetta verið í áratugi og maður spyr sig, eru kjósendur tilbúnir að stuðla að því að þessu kerfi sé viðhaldið næstu áratugi ?

Þannig mun það verða kjósi þeir Framsóknarflokkinn og stuðli að áhrifum hans í framtíðinni.