Innantómt orðagjálfur heilbrigðisráðherra.

Heilbrigðisráðherra var í kvöldfréttum RÚV kl. 18.00.

 

Heilbrigðisráðherra hefur þungar áhyggjur af kjaramálum lækna og telur að kröfur sem læknar eru að setja fram um nýjan samning séu fyllilega réttmætar.

Samningafundur skurðlækna og viðsemjenda hefst hjá ríkissáttasemjara í kvöld. Ekkert hefur gengið í viðræðunum hingað til en landflótti úr stéttinni hefur skapað erfiðleika. Einnig hafa kjarasamningar við lækna verið lausir í 8 mánuði. Kristján Þór Júlíusson heilbrigðisráðherra hefur af þessu þungar áhyggjur.

Í fréttum RÚV kl. 22.00 þetta.

 Skurðlæknafélagið ætlar að leita eftir samþykki félagsmanna sinna til að hefja verkfallsaðgerðir. Þetta varð ljóst eftir að fundur samninganefnda skurðlækna og ríkisins hjá ríkissáttasemjara fór út um þúfur í kvöld.

Helgi Kjartan Sigurðsson, formaður Skurðlæknafélagsins segir ekkert hafa komið út úr þeim fundi frekar en fyrri fundum og að fleiri fundir hafi ekki verið boðaðir. „Það virðist vera lítill eða enginn sáttavilji hjá ríkinu og við höfum ekkert meira að gera á þessum fundum þegar ekkert er í boði,“ segir Helgi Kjartan.

______________

 Það er ljóst að orð heilbrigðsráðherra í kvöldfréttum var innantóm orðagjálfur.

Slitnað hefur upp úr kjaraviðræðum við skurðlækna og þeir lýsa því yfir að samningsvilji ríkisins sé litill sem enginn og ekkert í boði.

Það sem heilbrigðisráðherra kallaði " réttmætar kröfur skurðlækna " var sem sagt tóm plat og ekkert í boði.

Stundum áttar maður sig ekki á ráðherrum þessarar ríkisstjórnar, það sem þeir segja nær ekki að standa milli fréttatíma.