Að skjóta undan sér. Hver er gróðinn ?

Ingibjörg Dögg Kjartansdóttir, aðstoðarritstjóri DV, er hætt störfum, samkvæmt heimildum Kjarnans. Hún er þar með fimmti starfsmaður DV sem hverfur frá störfum síðustu daga eftir að ný stjórn tók yfir útgáfufélag miðilsins.

Kjarninn.is 

______________

DV málið er dæmi um heimskulega atburðarás þar sem hópur fjármálamanna gerir atlögu að blaði sem ekki þegir.

Auðvitað eru margar atlögur DV með þeim hætti að þær bíta og oft hafa þeir farið offari.

En það sem við verðum vitni að núna  er með eindæmum, fjármálaspekingar kaupa sér meirihluta í blaðinu til að þagga niður í einum manni og tókst það.

En þeim tókst líka að flæma burtu þungaviktarstarfsmenn, áskrifendur og trúverðugleika blaðsins.

Hver er þá gróðinn ?

Sitja uppi með lemstrað og ónýtt nafn DV, nýráðinn ritstjóra sem flestir vorkenna og fullkominn trúnaðarbrest í þjóðfélaginu.

Finnst þeim aurunum sínum hafa verið vel varið ? 

 

Athugasemdir

[Elín Sigurðardóttir (IP-tala skráð) 9.9.2014 kl. 12:38]

Víst þegir blaðið. Ég hef ekki heyrt stakt orð frá blaðamönnum DV um lán Guðmundar til Reynis. Hverjir hafa fjármagnað blaðið? Hvað með þá sem ekki geta eða hafa áhuga á að greiða þetta verndargjald? Eru þeir tjargaðir og fiðraðir af DV? Maður spyr sig.

http://www.visir.is/reynir-vidurkennir-ad-hafa-fengid-lan-fra-gudmundi/article/2014140839921