Enn eitt klúðrið ?

Þingmaður Sjálf­stæðis­flokks­ins gagn­rýn­ir áform rík­is­stjórn­ar­inn­ar um flutn­ing Fiski­stofu til Ak­ur­eyr­ar og seg­ir ekki boðlegt að svipta 70 manns lífsviður­væri sínu með þeim hætti.

MBL.is 

Samkvæmt dómi Hæstaréttar frá 1998 þarf skýra lagalega heimild til að flytja ríkisstofnanir milli landshluta. Reynist slík heimild ekki vera til staðar vegna flutnings Fiskistofu þarf að leggja málið fyrir Alþingi og fá hana þar.

Árið 1998 dæmdi Hæstiréttur ákvörðun umhverfisráðherra um að flytja starfsemi Landmælinga Íslands til Akraness ólögmæta, þar sem ráðherra hafði ekki aflað sér lagaheimildar fyrir flutningi stofnunarinnar.

RUV.is 

Hafsteinn Þór Hauksson lögfræðingur og lektor augsýnilega efaðist mjög um lögmæti þessa gjörnings og fulltrúar starfmanna í verkalýðshreyfingunni hafa lýst skoðun sinni.

Framsóknarráðherrum hefur verið heldur mislagðar hendur með ýmislegt og eftir hljóðinu að dæma í samstarfsflokknum hefur ekkert samráð verið þar á milli.

Það því ýmislegt sem bendir til þess að ráðherrum Framsóknar hafði orðið á í messunni, bæði stóðu þeir afar illa að því hvernig þetta var tilkynnt, framkoma sem lýsti kaldlyndi og litlum skilningi á mannlegum tilfinningum.

Draumórakenndar yfirlýsingar þessara ráðherra um að allir yrðu afar glaðir með að fá þetta tækifæri var vægast sagt dómgreindarlausar.

Enda hefur ekkert í þá náðst síðan.

Illar tungur nefna að SDG hafi vantað jákvætt skúbb fyrir fund á Akureyri hvað sem það er nú að marka.

Allavegana eru Framsóknarráðherrar enn og aftur komnir út á bersvæði þar sem fátt er um stuðning þeirra sem málið varðar.

Þeir einu sem eru jákvæðir eru norðanmenn sem auðvitað fagna fjölgun starfa í héraði. 

„Ekki hægt að gera hvað sem er“

Athugasemdir

[Guðmundur Ásgeirsson, 30.6.2014 kl. 12:39]

Talandi um skýra lagaheimild, þá vill svo til að í lögum Fiskistofu er nákvæmlega ekkert sem kveður á um að hún skuli hafa starfsemi sína á einhverju7m sérstökum stað á landinu. http://www.althingi.is/lagas/nuna/1992036.html

Þar er hinsvegar í 2. mgr. 3. gr. að finna skýran áskilnað um að "Ráðherra skal með reglugerð kveða nánar á um skipulag og starfsemi Fiskistofu." Það hefur hinsvegar ekki verið og gert, og er því lag fyrir ráðherrann nú að setja slíka reglugerð eins og honum er skylt, og hann getur þá kveðið á um starfsstöð stofnunarinnar í þeirri reglugerðar, sem eins og áður segir er ekki aðeins skýr lagaheimild fyrir, heldur beinlínis lagaskylda.

Þetta blasir við ef maður les þessi lög, sem virðist þó ekki vera lenska hér að gera áður en menn tjá sig opinberlega.

[thin (IP-tala skráð) 30.6.2014 kl. 18:04]

Þó svo Guðmundur að það sé lagalega ekkert sem mæli á móti því að flytja stofnun á milli landshluta þá er það framganga æðstastrumps (Sjávarútvegsráðherra) í þessu máli sem vekur furðu. Að einhver misgáfaður einstaklingur skuli geta tekið svona gerræðislega ákvörðun í nafni sparnaðar er ekki boðlegt fyrir stjórnendur landsins. Fyrir utan það að enginn getur sagt hvort að það verði einhver sparnaður af þessum gjörningi