Vandræði Framsóknarflokksins.

„Vegna frétta kvölds­ins er sjálfsagt að greina frá því að eini þrýst­ing­ur­inn sem ég finn fyr­ir er í hné­inu. Það er vegna aðgerðar sem ég fór í fyr­ir nokkr­um vik­um,“ seg­ir Bjarni Bene­dikts­son, fjár­málaráðherra og formaður Sjálf­stæðis­flokks­ins, á Face­book-síðu sinni.

________________

Moskumál Framsóknar í Reykjavík trufla ekki BB enda allt of miklir valdahagsmunir í veði fyrir hann að rugga þeim báti.

Það er ljóst að forusta Framsókarflokksins er í vanda. 

Flokkurinn hefur orðið fyrir miklum álitshnekki vegna skammtímasjónarmiða Framsóknarmanna í Reykjavík.  

Þar var spilað á lægstu hvatir til að afla flokknum fylgis og það á eftir að koma þeim í koll á þeim bænum.

Ég get fullyrt að þessi sjónarmið sem oddviti Framsóknar í Reykjavík boðaði á alls ekki við þá Framsóknarmenn sem ég þekki á nærsvæði mínu, hreinlega óhugsandi að nokkur þeirra léti frá sér fara slíkt og þvílíkt.

En flokkurinn sem heild hefur skaðast, það efast enginn um, og oddvitinn í Reykjavík verður afar einangraður næsta kjörtímabil í Reykjavík.

Framsókn í Reykjavík er óhreinn hópur sem enginn mun vilja vinna með, það er að vinna orrustu en tapa stríði. 

Finnur aðeins fyrir þrýstingi í hnénu

Athugasemdir

[Bjarni Gunnlaugur (IP-tala skráð) 3.6.2014 kl. 12:50]

Ég á í mestu vandræðum mað að átta mig á hvað er svona skelfilega slæmt við málflutning Sveinbjargar og hvað það er sem á og má eða á og má ekki segja í umræðum um innflytjendur og ýmislegt þeim tengt.   Ég hef verið að leggja nokkrar einfaldar spurningar fyrir bloggara sem telja sig vita hvað Framsókn eigi og eigi ekki að gera, heldur hefur nú uppskeran verið rýr enn sem komið er svona eins og menn hafi ekki neina grundvallarskoðun en rjúki upp eins og hanar á haug og gali út í loftið en séu svo ósköp innantómir þegar að er gáð. 

Nú ætla ég að gefa þér tækifæri á málefnalegri umræðu og bið þig vinsamlegast að upplýsa mig um afstöðu þína til eftirfarandi:

Geturðu frætt mig um hvort Samfylkingin hafi einhverja stefnu í málum innflytjenda og hver hún þá er? Það kemur ekkert upp ef ég gúgla.   Hvað værum við Íslendingar tilbúnir að taka við mörgum hælisleitendum ef Samfylkingin fengi að ráða?   1000? 10.000? 100.000?     Fróðlegt væri líka að heyra þína persónulegu skoðun á hver hámarksfjöldinn væri?

Enn fremur, er ásættanlegt að aðlaga innflytjendur að íslensku samfélagi, kenna þeim tungumálið og fræða þá um lög reglur siði og venjur eða er betra að leifa þeim að búa í hópum þar sem þeir geta haldið sem best í siði gamla landsins og tungu (þannig væri jú hægt að hleypa fleirum inn í landið þar sem það væri ódýrara)? 

Segjum svo að einhver ákvæði að setja mörkin við 100 hælisleitendur á ári og þeir yrðu látnir dreifast og aðlagst samfélaginu eins og hægt væri, bannað að iðka siði sem væru brot á landslögum.    Væri slíkt rasismi að þínu mati?  

Bestu kveðjur með von um málefnalegar umræður. 

[Sigurður Þorsteinsson, 3.6.2014 kl. 17:21]

Vandræði stjórnmálaflokkana er mikil þessa daganna. Ef þrýstingur í hné formannsins er eina vandamál Sjálfstæðisflokksins, er það vandamál léttvægt miðað við t.d. vandamál samfylkingarinnar, sem stendur fyrir því að þurfa að skipta um formann. Dagur taki við. Þegar það mál kemur upp bregðast félagar í samfylkingunni margir við því vandamáli með því að velta sér fyrir vandamálum Framsóknarflokksins. Þá verður vandi flokksmanna samfylkignarinnar léttbærari, því val á formanni virðist vera afar erfitt eftir að Ingibjörg hætti. Ekkilistinn er langur. Ekki Egill Helga, ekki Stefán Jón, ekki Árni Páll, ekki Sigríður, ekki Ólína Þorvarðar, ekki Guðbjartur Hannesar, ekki Guðmundur Steingríms (enda farinn), ekki Guðríður Arnarsdóttir, ekki Helgi Hjörvar ..............listinn er langur. Kannski er Dagur lausnin, ef hann hættir að tala svona lengi, án innihalds, þá gæti hann orðið formaður, ef hann bara færi að segja eitthvað af viti. Nú var sigurinn í Borginni of lítill og þá byrjar leitin aftur. Þá benda menn á Framsókn, þennan voðalega flokk, og bændur þá voðalegu skepnur, eða þetta kristna lið eða landsbyggðarpakkið. Ekki auðlifað í þessu lífi.

[Jón Ingi Cæsarsson, 4.6.2014 kl. 10:36]

átta mig ekki á hvar Samfylkingin blandast inn í vandræði Framsóknarflokksins Sigurður og Bjarni.

[Jón Ingi Cæsarsson, 4.6.2014 kl. 10:37]

hvað þá ég ??? en svona er þetta þegar menn vilja drepa málum á dreif.

[Bjarni Gunnlaugur (IP-tala skráð) 4.6.2014 kl. 19:08]

Hefurðu ekki skoðun á því hversu mörgum hælisleitendum er hægt að taka hér við?  Ef svo er hver er hún?

Ertu kanski hræddur við málefnalega umræðu?