Stormur í vatnsglasi

Það var sem mig grunaði. Stórkallalegar yfirlýsingar Framsóknarmanna á flokksþingi voru stormur í vatnsglasi. Formaður flokksins gerir lítið úr málinu og formaður Sjálfstæðisflokksins hafði engar áhyggjur af því. Kannski er það rökrétt frá honum því Framsóknarflokkurinn er afar leiðitamur og hefur hlýtt hvað sem á hefur dunið.

Jón Sigurðsson er ef til vill það óklárari en Halldór Ásgrímsson að hann kann ekki að láta flokkinn leggjast í stjórnarandstöðu korter í kosningar. Á því hefur Framsókn náð að kroopa til sín fylgi síðustu vikurnar. Mér er minnisstætt hvernig Dagný vonarpeningur þeirra talaði hér í Norðaustrinu fyrir síðustu kosningar. Hún var rammasti stjórnarandstæðingurinn og ekki gekk hnífurinn milli hennar og stjórnarandstöðuflokkanna í kosningabaráttunni. Og svo var hún bara liðsmaður eftir það og kyssti vöndinn eins og restin af flokkum hefur gert síðustu tólf ár.

Datt virkilega einhverjum í hug að Framsókn sliti stjórnarsamstarfinu ? Þeim eru völdin dýrmætari en svo að þeir stökkvi sjálfviljugir frá borði...og það veit Geir Haarde.

Formenn stjórnarflokkanna ræddu ýmis málefni