Framsókn. Utanríkis og varnarmál ekki á dagskrá ?

Ég hef aðeins verið að gefa því auga undanfarna daga hvað Framsóknarflokkurinn hefur fram að færa í utanríkis og varnarmálum. Meðan Halldór Ásgrímsson var formaður flokksins var hann bara nokkuð frjálslyndur og talaði fyrir skoðun á Evrópumálum og jafnvel taldi þáverandi formaður flokksins koma til greina að sækja um aðild. Að vísu var varaformaðurinn á öðru máli enda sjóndeildarhringur hans bundinn við Suðurlandsundirlendið og ekki hægt að ætlast til þess að hann talaði í þeim anda. Sennilega stafaði þessi skilningur Halldórs þáverandi formanns af veru hans í stól utanríkisráðherra.

En nú kveður við annan tón. Ekkert minnst á Evrópu á flokksþinginu nýafstaðna og varnarmál landsins ekki stafkróks virði. Samt er utanríkisráðherrann þarna innanborðs. Mér sýnist að öllu að varnar og utanríkismál séu bara alls ekki á dagskrá flokksins og það var dálítið neyðarlegt að heyra í félagsmálaráðherra, Magnúsi Stefánssyni í útvarpi áðan. Hann hafði greinilega ekki gert sér grein fyrir þessu fyrr en þáttarstjórnandinn gekk á með þetta. Magnús eiginlega stamaði og hikstaði og virtist sem hann væri illa lesinn í fræðunum og samþykktum flokkþingsins.

Þetta er afar sérkennilegt. Stjórnflokkur til 12 ára hefur enga mótaða stefnu og markmið í utanríkis og varnarmálum. Kannski er Framsókn að taka upp tækni Sjálf"töku"flokksins og hefur engar handbæra stefnu í viðkvæmum og mikilvægum málum.  Það fór aldrei svo að Framsóknarflokkurinn viðurkenndi að hann er bara að verða að litlu útibúi frá stórabróður .. bláa.

Þjóðlendumál ofarlega í huga framsóknarmanna á flokksþingi