Stjórnarflokkarnir gera landsmenn að ESB sinnum.

Fleiri eru hlynntir aðild nú en þegar síðast var spurt í Þjóðarpúlsi, sumarið 2010.

Þá mældust 26% með aðild en 59% voru á móti. 

Nú segjast ríflega 37% aðspurðra vera hlynnt aðild.

Nærri 47% eru andvíg og 16% eru hvorki hlynnt né andvíg.

Innan við helmingur landsmanna eru nú á móti aðild, í sjálfu sér mikil tíðindi. 

Þegar kemur að því að skoða afstöðu til áframhaldandi viðræðna er niðurstaðan þessi. 

72% landsmanna vilja að þjóðaratkvæðagreiðsla verði haldin um framhald aðildarviðræðna við Evrópusambandið samkvæmt þjóðarpúlsi Gallup.

21% svarenda er á móti því, og 7% eru hvorki með né á móti. 

______________________ 

Ríkisstjórnarflokkunum og Heimsksýn er að takast að snúa landsmönnum til fylgis við ESB aðild, meira en öðrum hefur tekist.

Ástæðurnar eru vafalaust þær að öfgarnar í málflutningi þessara aðila hafa opnað augu fjölda landsmanna.

Stóra niðurstaðan er að ríkisstjórnarflokkarnir ganga ekki í takt við þjóð sína og ef þeir treysta sér ekki til þess þá verða þeir að láta af völdum og boða til kosninga. 

 

72% vilja þjóðaratkvæðagreiðslu

Athugasemdir

[Garðar Þórisson, 12.3.2014 kl. 13:28]

Vandamálið er að stjórnmálamennirnir líta ekki á sig sem þjóna landsmanna. Ef fólkið vill að aðildarumsókn sé haldin áfram eiga þeir að fara í þá vinnu eða færa sig til hliðar.

Algjörlega fráleitt að segja bara nei við viljum ekki vinna þessa vinnu svo við ætlum bara að segja þessu upp í óvild við meirihluta landsmanna.

[Guðjón Sigþór Jensson, 14.3.2014 kl. 12:51]

Allt of margir kjánar kusu þessa bjána.

Áður en kjörtímabilið er úti verður fylgið við aðildarviðræður væntanlega komið í meira en 80% ef áframhald verður á þessari þróun.