Sjálfstæðisflokkurinn segir skilið við atvinnulífið.

Bjarni Benediktsson, formaður Sjálfstæðisflokksins, tók skýrt fram á Alþingi í dag að Sjálfstæðisflokkurinn muni „aldrei styðja aðlögunarviðræður að Evrópusambandinu.“ Hann lét orðin falla þegar hann gerði grein fyrir atkvæði sínu í kosningu um dagskrártillögu stjórnarandstöðunnar.

http://www.dv.is/frettir/2014/2/26/mun-aldrei-stydja-adlogunarvidraedur-ad-evropusambandinu/

_______________

Þá er það ljóst, formaður Sjálfstæðisflokksins lýsir því yfir að flokkurinn muni aldrei styðja viðræður um ESB.

Þar með hefur Sjálfstæðisflokkurinn sagt skilið við hlutverk sitt sem helsti stuðningsflokkur atvinnulífsins og samtaka þeirra.

Reyndar ganga þeir enn erinda LÍÚ ef að líkum lætur.

Atvinnulífið verður því að leita sér að öðru pólítísku athvarfi þar sem meiri skilningur ríkir á þörfum og hagmunum þess.

Sjálfstæðisflokkurinn segir PASS.

Athugasemdir

[Guðjón Sigþór Jensson, 26.2.2014 kl. 19:00]

Lengi vel kom íhaldið í Reykjavík þvert yfir Bankastrætið efst rétt neðan við þar Skólavörðustígur tengist Laugavegi og Bankastrætið tekur við: „X-D VÖRN GEGN GLUNDROÐA X-D“

Nú löngu síðar gætu andstæðingar Sjálfstæðisflokksins sett borða með áletruninni:

„Bein leið til glötunar í boði Sjálfstæðisflokksins“.

Glundroðakenning Bjarna Benediktssonar eldri sannast í frænda hans og alnafna sem nú sem formaður sama flokks vill fórna öllu, öllum hagsmunum Sjálfstæðisflokksins. Hvaða formaður sem hefur verið trúað fyrir stjórnmálaflokki skyldi vilja kljúfa hann? Hvaða hagsmunir liggja að baki?

Hvaða hagsmunir réttlæta þessa fórn að gefa Samtökum atvinnulífsins, Samtökum iðnaðarins og Viðskiptaráði langt nef?