Ágirnd og græðgi ?

Landeigendur ætla auk þess án þess að blikka auga að svipta íslenskan almenning þeim rétti að ferðast um landið hindrunarlaust og láta Íslendinga á ferð um landið sitt greiða aðgangseyri að náttúruperlum.

____________

Staða þessara mála er athyglisverð. Hver " landeigandinn " á fætur öðrum horfa með græðgi á möguleika þess að ná peningum af almenningi.

Ísland er sameign og það getur ekki verið réttur svokallaðra landeigenda að girða af landið og rukka peninga af þeim sem þar eiga leið um.

Sjáum fyrir okkur að Möðrudalur girti af veginn inni Kverkfjöll og léti alla sem þangað ætla greiða aðgangseyri.

Það " á " væntalega einhver Sprengisand, kjörið að láta borga fyrir að fara þar yfir.

Færi ekki að sverfa að ímynd landsins og á hverju strái stæðu svokallaðir " landeigendur " í skúrum sínum og rukkuðu ferðamenn´ og útfrá skúrunum væru girðingar í allar áttir svo langt sem augað eygir.. sérlega smekklegt og aðlaðandi.

Satt að segja áttar maður sig ekki á þessari ótrúlegu skammsýni.

Aðdráttarafl Íslands eru ósnortin víðerni, náttúrfegurð og friðurinn.

Hætt er við að sú ímynd breyttist snarlega þegar rukkarar biðu við hvern hól og hvern afleggjara og réttu fram sveitta lófa eftir peningum.

Skilaboðin í áramótaskaupinu um græðgisvæðingu ferðamennskunnar á Íslandi er að verða að raunveruleika, sennilega skildu svokallaðir " landeigeigendur " ekki háðið.

„Ryðjast fram með látum“

Athugasemdir

[Óskar, 26.2.2014 kl. 16:17]

Þetta er mjög einfalt mál.  Ef ég verð rukkaður á þessum stöðum þá neita ég að borga og þessum gróðapungum er guðvelkomið að kalla til lögreglu.

[Birgir Guðjónsson (IP-tala skráð) 26.2.2014 kl. 16:28]

Skora þá á þig Óskar að fara og skoða Keriðí Grímsnesi.

[Óskar, 26.2.2014 kl. 16:33]

Birgir, hef reyndar gert það og labba framhjá þessum skúr án þess að taka eftir honum eða garginu í "verðinum".

[Guðleifur R Kristinsson, 26.2.2014 kl. 18:59]

þegar landeigendur taka við aðgangsgjaldi á landið sitt hafa þeir sjálfkrafa tekið til sín alla ábyrgð á ferðamanninum inni á sínu svæði, og þar með fellur ábyrgð ferðaskipuleggjandans niður. þ.e.a.s. hættulegir staðir s.s. Gullfoss, Geysir, Reynisfjara, Dettifoss og fl. verða alfarið á ábyrgð landeiganda.

Ef þeir vilja það NÚÚÚ HVAÐ ÞÁ!!!