Forneskjugirðingar Framsóknar.

Finnur Árnason, forstjóri Haga, segir ákvörðun sjávarútvegs- og landbúnaðarráðherra um að úthluta ekki viðbótartollkvótum fyrir innflutning á buffala-, geita- og ærmjólkurostum né heldur lífrænum kjúklingi, koma sér á óvart. Hann segir niðurstöðuna ekki sambærilega niðurstöðu í hinu svokallaða smjörmáli Mjólkursamsölunnar.

___________________

Þegar ég var að alast upp undir ofurvaldi KEA og SÍS þá var talað um Framsókn " höft og skömmtun"

Það hefur ekkert breyst, og nú 50 árum síðar stendur Framsóknarflokkurinn vörð um úrelt og gamaldags landbúnaðarkerfi þar sem hagur neytenda er fyrir borð borinn.

Þessi höft á innflutning osta sýnir okkur í hnotskurn að Framsóknarflokkurinn sem er við völd í dag er nákvæmlega sami Framsóknarflokkurinn og var við völd fyrir 50 - 100 árum.

Grundvallarhugmyndafræði flokksins hefur ekkert breyst, gengur enn út á það sama, verja og hygla skjólstæðingum sínum á kostnað annarra, í þessu tilfelli almennra neytenda.

Kannski breytist þetta aldrei. Meðan kjósendur koma Framsókn til valda aftur og aftur breytist ekki neitt og neytendum haldið í skrúfstykki, hafta og skömmtunar.

http://visir.is/forstjori-haga-osattur-vid-nidurstodu-i-ostamali/article/2014140218846

Athugasemdir

[Guðjón Sigþór Jensson, 18.2.2014 kl. 21:49]

Kannski það væri snjallasta viðskiptahugmynd Finns Árnasonar að Hagar kaupi Mjólkursamsöluna.

Þá væri unnt að kaupa hvað sem er frá Evrópusambandinu, hvort sem er smér eða ostar.

Mér skilst að Mjólkursamsalan sé „ríki í ríkinu“ og geti komist upp með hvaða brellu sem er.

En það er ekki sama Jón og séra Jón!