Ferð út í óvissuna.

Sigmundur Davíð Gunnlaugsson forsætisráðherra segir ekki hægt að meta hver áhrifin af lækkun höfuðstóls verðtryggðra húsnæðislána verði á mismunandi hópa í samfélaginu.

Þetta kemur fram í svari við fyrirspurn Árna Páls Árnasonar, formanns Samfylkingarinnar, á Alþingi. Árni Páll óskaði eftir skriflegum skýringum á áhrifunum á fólk eftir því hversu hátt hlutfall það skuldar í húsnæði sínu, hversu margir af þeim sem eru með yfir 100 prósent skuldahlutfall komist undir þau mörk vegna leiðréttingarinnar, og fleira.
 

(visir.is)

http://www.visir.is/ekki-haegt-ad-meta-ahrifin-af-nidurfellingum-rikisstjornarinnar/article/2014140119430

Það kemur betur og betur í ljós hversu skuldaleiðréttingarferðalag Framsóknarflokksins var illa ígrundað og án nokkurrar fyrirhyggju eða þekkingar á hvað það þýddi.

Þetta staðfesti forsætisráðherra í gær í fyrirspurn á Alþingi.

Það hefur enginn hugmynd um hvað þetta þýðir fyrir einstaka hópa og enn síður hvort þeir sem raunverulega þurfa á þessu að halda fá nokkurn skapaðan hlut.

Því hefur verið haldið fram að þessi áform væru óábyrg og lítt ígrunduð.

Orð forsætisráðherra í gær staðfesta að svo er.