Jákvæð niðurstaða málaefnalegrar stjórnarandstöðu.

Samkomulag hefur tekist um afgreiðslu þingmála fyrir þinglok. Samkomulagið felur m.a. í sér að desemberuppbót til atvinnuleitenda verður greidd, en kostnaður við þetta er áætlaður um 450 milljónir.

Greiðsla á desemberuppbót felur í sér að gerð verður breyting á fjáraukalagafrumvarpi. Aðrar breytingar verða ekki gerðar á því. Hins vegar verða gerðar nokkrar breytingar á fjárlagafrumvarpinu að kröfu stjórnarandstöðunnar.

_______________________

Allir landsmenn voru sammála um að óréttlæti stjórnarflokkanna yrði að stöðva.

Nú hefur stjórnarandstöðunni tekist að ná fram réttlæti fyrir þá sem minnst mega sín og minnst hafa milli handanna á Íslandi.

Stjórnarflokkarnir voru staðfastir i að þetta ætti ekki að gerast, formaður fjárlaganefndar hnykkti á því.

Sorglegt hugarfar.

En með staðfestu og málefnalegri stjórnarandstöðu tókst að hrinda óréttlætinu.

Það mun hjálpa mörgum sem lítið hafa handa á milli.

Samþykkt að greiða desemberuppbót

Athugasemdir

[Axel Jóhann Hallgrímsson, 18.12.2013 kl. 09:41]

Ég gat ekki betur heyrt en forystukind fjárlaganefndar væri yfirmáta ánægð yfir þessu samkomulagi. Ekki var annað á henni að skilja en stjórnarflokkunum hafi á endanum tekist að fá stjórnarandstöðuna með sér í þetta mikilvæga verk. Hún á hrós skilið þessi kona!

[Stefán Örn valdimarsson (IP-tala skráð) 18.12.2013 kl. 10:20]

Jón þú getur kannski upplyst mig afhverju þessi desember uppbót til atvinnulausra var ekki í fjárlögum 2013 því greiðslan tilheyrir augljóslega þeim fjárlögum?

[Jón Ingi Cæsarsson, 18.12.2013 kl. 11:40]

Stefán..hefur þú ekki fylgst með umræðunni um fjáraukalög, þar er tekist á um þessi mál.

[Stefán Örn valdimarsson (IP-tala skráð) 18.12.2013 kl. 13:24]

Já, en afhverju þarf að koma þessu í fjáraukalög? Afhverju var atvinnutryggingasjóðurinn í þetta miklum halla? Maður hefði nú haldið að þetta yfirburðar manngæsku fólk síðustu ríkisstjórnar hefðu nú haft hugsun á að fjármagna sjóðinn til fulls, allavega útfrá því hvernig það talar um þessar mundir.