Að pissa í skó sinn. ?

http://www.ruv.is/frett/gaeti-komid-i-stad-kauphaekkana

 

Guðlaugur Þór Þórðarson, þingmaður Sjálfstæðisflokksins, telur rétt að viðbótariðgjald vegna lífeyrissparnaðar megi nota til að greiða niður íbúðalán. Hann segir að aldrei hafi verið betra tækifæri til að fara þessa leið en einmitt núna.

Hugmyndir eru um það, innan fjármálaráðuneytisins, að þeir sem eru með viðbótarlífeyrissparnað geti, í stað þess að greiða í séreignarsjóð, látið iðgjöldin fara skattfrjálst í að greiða niður íbúðalán, eins og fram kom í fréttum Sjónvarps í gær. Búið er að kynna lífeyrissjóðunum þessar hugmyndir og er líklegt að þær verði í aðgerðapakkanum um skuldamál heimilanna sem ríkisstjórnin ætlar að kynna síðar í vikunni. Guðlaugur Þór Þórðarson Sjálfstæðisflokki segir ótal kosti við þessa leið.

____________

Frábært ráð þetta hjá Sjálfstæðisflokknum.

Að launafólk noti eigið sparifé til að greiða niður skuldir.

Gallinn við þetta frábæra ráð er að hætt er við að þrátt fyrir auknar niðurgreiðslur lána sem þessu nemur þá muni lánin halda áfram að hækka vegna verðbólgu og ótryggs efnahagssástands.

Staða íbúðaeigenda gæti allt eins orðið sú að lífeyrissparnaðurinn hyrfi og lánin hækkuðu vegna aukinnar verðbólgu, vegna þennslu sem þessi sama aðgerð gæti valdið.

Niðurstaðan gæti alveg orðið sú að það eina sem út úr þessi kæmi yrðu minni greiðslur til viðkomandi úr lífeyriskerfinu þegar þar að kæmi í ellinni.

Hvort lífeyrissjóðir falli fyrir þeirri hugmynd að nota lögbundinn lífeyrissparnað til þess að greiða skuldir í núinu í stað þess að vera greiðslur til viðkomandi á elliárum skal ósagt látið.

Þetta er í sjálfu sér ekki ný hugmynd, heldur aðeins önnur útfærsla á því, þegar opnað var á það í hruninu að fólk gæti tekið út séreingarsparnað sinn og notað í lánaniðurgreiðslur.

Það fólk á nú engan séreingarsparnað en sumum tókst að bjarga sér fyrir horn með þessu og fleiru sem til kom á þeim tíma.

Öðrum ekki.

Þessi hugmynd er auðvitað ekkert annað en skammtímalausn og getur haft ýmsar ófyrirséðar afleiðingar.

Það á enginn að nota lífeyrissparnað sinn til svona nema í algjörri neyð og sem hreina skammtímareddingu.

Athugasemdir

[Guðjón Sigþór Jensson, 26.11.2013 kl. 17:46]

Ein hliðin á þessu máli er að ef GÞÞ vill gefa skattinn eftir þá er hann vísvitandi að mismuna þeim sem skulda og skulda ekki. Fjöldi fólks á sjötugs aldri vill gjarnan nálgast viðbótarsparnað sinn m.a. vegna minni tekna vegna minnkandi vinnu og jafnvel atvinnuleysis. En sé það ekki með skuldir þá verður það að borga skattinn! Með þessu væri GÞÞ að gefa vont fordæmi, annað hvort eiga allir að njóta sama réttar eða svona galnar hugmyndir eru einskis virði.

[Ómar Bjarki Kristjánsson, 26.11.2013 kl. 18:33]

Það verður að líta svo á, að þetta sé svar Sjalla við orðaflaumi og gapuxahætti SDG uppá síðkastið. SDG hefur blaðrað og blaðrað mánuðum saman - og á meðan hefur að mesti ríkt þögn í herbúðum Sjalla.

Svo gerst það í gær að Sjallar panta frétt í RUV eða að því er lekið viljandi í RUV, að unnið sé að nefndum séreignasparnaðartillögum í Fjármálaráðuneytinu.

Því er svo fylgt eftir í dag af Gulla litla, einum helsta tindáta BB.

Þetta er alveg augljóslega skilaboð ti framsóknarflokksins.

Auðvitað er þetta með broslegasta móti í samhengi orðagjálfurs SDG og Gulli litli hreinlega sprenghlægilegur þegar bætir því við að þetta eigi að koma í staðinn fyrir launahækkanir.

Það er barasta ekkert í lagi með þessa menn. Veruleikafirringin algjör.