Fáránleg auglýsingaherferð.

 

http://www.dv.is/frettir/2013/11/21/margir-stjornarmenn-sa-med-milljonir-i-manadalaun/

Ég áttaði mig ekki á í byrjun hvað auglýsing SA var að segja, eiginlega svo grænn að mér datt ekki í hug að PR hjá einhverjum gæti klikkað svona hroðalega.

Framundan eru kjarasamningar og staðan viðkvæm.

Þegar staðan er þessi þá gera menn ekki svona.

Þar sem leynist glóð leika menn sér ekki með bensín.

Ég er mest forvitinn um hverjir það eru sem ráðleggja svona samtökum, varla taka milljónaforstjórarnir í stjórninni þetta upp með þessum hætti.

En hvað veit maður þegar tengslin við raunveruleika hins venjulega launamanns er ekki til staðar.

Samkvæmt auglýsingunni er skynsamlegt af launamönnum að biðja um 1% launahækkun ( svona ca 2.500 krónur brúttó) og þar með verði öll verðbólgan úr sögunni og allt í lukkunar velstandi.

Svona einfaldanir eru einfaldlega ekki boðlegar og síst þegar ástand á vinnumarkaði er viðkæmt og stjórnvöld spila ekki með eða aðstoða.

Ég trúi varla öðru en SA hætti að ögra verkalýðshreyfingunni með þessum hætti, annað er nánast óhugsandi.