STRAX-STRAX-STRAX-STRAX... eða bara seinna.

Ólíklegt er að nokkrar endanlegar ákvarðanir verði teknar um skuldaniðurfellingar á þessu ári. Þetta segir Bjarni Benediktsson fjármálaráðherra í viðtali við Bloomberg.

Hann segist vona að sérfræðingahópur forsætisráðherra skili tillögum um lausnir í skuldamálum fyrir árslok.

________________________

Strax - það er nú það.

Engar á þessu ári...

Kannski skilar sérfræðingahópurinn á þessu ári  ( eða ekki )

Og svo nokkur ár í úrvinnslu tillagna og síðan allt hitt.

Þetta kjörtímabil mun ekki duga, kannski eru kjósendur tilbúnir að kjósa þessa flokka í fjögur ár í viðbót til að ljúka þessu ?

Það yrði þá til ársins 2021...kannski má ræða það ? eða er þetta að verða dálítið vafasamt ?

Líklega.

 

Athugasemdir

[Jón Ingi Cæsarsson, 15.10.2013 kl. 14:37]

Sigmundur Davíð Gunnlaugsson segir að í nóvember geti fólk séð hversu mikið verðtryggð lán þeirra verða felld niður. Þó um almenna aðgerð sé að ræða að hálfu ríkisvaldsins verður ekki sama prósentuleiðrétting hjá öllum.

Þetta kom fram í viðtali við Sigmund Davíð í Kastljósi í gærkvöldi. Hann segir að vinnu sérfræðihóps um höfuðstólslækkun verðtryggðra húsnæðislána miði vel. Hópurinn á að skila niðurstöðum í nóvember

http://ruv.is/frett/upphaedir-leidrettinga-ljosar-i-november

[Jón Ingi Cæsarsson, 15.10.2013 kl. 14:38]

Fram að þessu hefur nákvæmlega ekkert staðist sem forsætisráðherra hefur haft fram að færa.. hvað ætli þetta geti gengið lengi svona ?

[Jóhannes Laxdal Baldvinsson, 16.10.2013 kl. 02:54]

Dómur Hæstaréttar varðandi gjaldeyrislánin hleypti þessu öllu upp. Fólk tók þessi lán með fullri vissu um að í því fælist mikil áhætta ef gengið lækkaði sem allir vissu að mundi gerast. (Um áramótin 2006-7 var byrjað að tala um væntanlegt gengisfall)  Þess vegna átti aldrei að láta dóm hæstaréttar standa.  Það átti að setja neyðarlög sem tryggði jafna meðferð á öllum lánum. En það var svo margt í sambandi við endurreisn fjármálakerfisins sem fór aflaga hjá síðustu ríkisstjórn að Sigmundi er vorkunn að þurfa að éta ofan í sig öll stóru orðin.  En ef þeir ná að taka á verðtryggingunni og lífeyrissjóðakerfinu þá er mér sama þótt ekki verði um almennar skuldaleiréttingar enda ekki hægt að tala um almenna lækkun þegar þúsundir manna hafa fengið sértæka meðferð. Ef á að rétta fasteignaeigendum milljónir í formi höfuðstólslækkana þá hljóta þeir sem engin lán tóku að krefjast þess að fá samsvarandi upphæð lagða inná reikning.  Það verður látið reyna á þá jafnræðisreglu vittu til.