Skjaldborg auðmanna rís.

 

Stjórnarflokkarnir eru í bullandi byggingavinnu síðustu vikur og mánuði. Sú byggingavinna mun halda áfram og væntalega settur í hana aukinn kraftur þegar líður á.

Það sem stjórnarflokkarnir eru að byggja er SKJALDBORG auðmanna og fjármagnseigenda.

Grunnur að þessari byggingu var tekinn á sumarþingi þegar auðlindagjald á útgerðir var lækkað um milljarða.

Auk þess var fallið frá skatti á ferðamenn í gegnum gistinguna.

Þetta eru þær tvær atvinnugreinar sem best ganga í dag.

 

Uppsláttur byggingarinnar er að hefjast og fyrstu spíturnar í Skaldborg auðmanna voru negldar í vikunni þegar formaður Sjálfstæðisflokksins lýsti því yfir að skattur á hreina eign yfir 75 milljónir einstaklinga og 100 milljónir hjóna yrði felldur niður.

Þar voru auðmönnum færðir átta milljarðar í viðbót.

Til að mæta kostnaði við Skjaldborgina má gera ráð fyrir hraustlegum niðurskurði í skóla og heilbrigðiskerfi og með auknum byrðum á milli og lágtekjufólk.

En hvað með það, tilgangurinn helgar meðalið.

Safnast þegar saman kemur.

 

Búast má við byggingaframkvæmdum við SKJALDBORG auðmanna verði framhaldið á haustþingi.

Arkitektar og verkstjórar við byggingu Skjaldborgar auðmanna, eru auðmennirnir, formenn stjórnarflokkana.

Þar eru þeir sannarlega á heimavelli.

 

 

 

Athugasemdir

[Sigurgeir Jónsson, 29.8.2013 kl. 19:52]

Þú gerir grín að skjaldborg Samfylkingarinnar,Það fer vel á því.Skjaldborgin sem Samfylkingin ætlaði að reisa um heimilin reyndist spilaborg sem hrundi yfir heimilin í formi uppboða og útburða.En Samfylkingin kann ekki að skammast sín.Og veiðiskatturinn sem leggst fyrst og fremst á Landsbyggðina er nú hækkaður.Því miður.En bókaútgáfan Skjaldborg sem var staðsett á Akureyri var ekki á vegum Samfylkingarinnar.Hún var alvöru Skjaldborg.Ekki plat.

[Sigurgeir Jónsson, 29.8.2013 kl. 20:40]

Auðmaðurinn Vilhjálmur Þorsteinsson sem er gjaldkeri Samfylkingarinnar og viðskiptafélagi Björgólfs Thors Bjórgólfsonar er ekki á flæðiskeri staddur.En lítið fer fyrir áhuga hjá honum að bjarga heimilunum.Hann er "jafnaðarmaður".Samfyilkingarmaður."Skjaldborgarmaður".

[Lúðvík Júlíusson, 30.8.2013 kl. 18:07]

Jón Ingi, þú hefur líklega ekki fylgst með umræðunni á síðustu árum eða hefur kosið að líta undan þegar samherjar þínir eiga í hlut.

Síðasta ríkisstjórn hefur afhent auðmönnum fleiri milljarða á silfurfati með því að koma á kerfi þar sem ákveðnir aðilar geta gefið út skuldabréf hér á landi sem þeir kaupa síðan af sjálfum sér í gegnum Seðlabankann með 20-50% afslætti!

Margir þekktir einstaklingar úr hruninu hafa með þessum hætti fengið fleiri hundruð milljónir í vasann.

Þessi leið sem samflokksfólk þitt fór virkar á þá leið að samkeppnisaðilar standa ekki jafnfætis, sumum er umbunað á meðan öðrum er refsað, jafnvel þó þeir starfi í sömu atvinnugrein. Samflokksfólk þitt réttlætir þessa grófu mismunun með því að brauðmolarnir munu að endingu lendi í munni þeirra sem ekkert fá! Er þetta ekki öfgahægrikenning sem samflokksfólk þitt aðhyllist?

Breytingar á sköttum virka þó jafn vel eða illa á alla og er því mun betri kostur til að örva atvinnulífið og skipta gæðum þjóðarinnar.

Krónur á tombóluverði http://ludvikjuliusson.blog.is/blog/ludvikjuliusson/entry/1257419/

Árni Páll og umfjöllun í Speglinum um aflandsfélög http://ludvikjuliusson.blog.is/blog/ludvikjuliusson/entry/1277721/

http://www.arionbanki.is/lisalib/getfile.aspx?itemid=0fb7696a-fcbf-11e1-abb1-d8d385b75e5c