Almennur vilji að Reykjavíkurflugvöllur verði Vatnsmýrinni.

Í gærkvöldi höfðu yfir 25 þúsund manns lýst yfir stuðningi við flugvöll í Vatnsmýrinni á heimasíðunni lending.is, að því er fram kemur í umfjöllun um mál þetta í Morgunblaðinu í dag.

____________________

25.000 manns á örstuttum tíma segir mikla sögu.

Það var vitað að mikill og almennur vilji var til að Reykjavíkurflugvöllur yrði í Vatnsmýrinni áfram.

En hversu mikill var forvitnilegt að vita.

Samkvæmt þessu er þessi vilji afar sterkur og hann er ekki bundinn við landsbyggðarfólks, stórir hópar höfuðborgarbúa skilja þessa nauðsyn og vilja halda vellinum þar sem hann er.

Flugvöllur í Vatnsmýri er mikið öryggismál og lykillinn að óbreyttu innanlandsflugi. Það skilja landsmenn og þess vegna styðja þeir flugvöll í Vatnsmýrinni áfram.

Það er þröngur hópur stjórnmálamanna í Reykjavík sem hafa ekki skilning á þessari nauðsyn og setja þrönga hagsmuni Reykjavíkur á oddinn og ýta til hliðar öllum rökum sem hníga að öðru.

Það kallast rörsýn og eiginhagsmunapot.

Vonandi opnar þessi mikla þátttaka augu þeirra stjórnmálamanna sem hafa neitað að horfast í augu við almannahag og hag landsins í heild.

Flugvöllur í Vatnsmýrinni er dauðans alvara.

Reykjavík er höfuðborg Íslands og vonandi vill hún axla skyldur þess vegna.

Yfir 25 þúsund hafa skrifað undir vegna flugvallarins