Utanríkisráðherra á hálum ís.

Hægt er að halda því fram, að stjórnarflokkarnir séu ekki sammála um hvort halda eigi þjóðaratkvæðagreiðslu um áframhaldandi aðildarviðræður við ESB á kjörtímabilinu. Þetta segir Bjarni Benediktsson, formaður Sjálfstæðisflokksins.

Málið sé órætt á milli flokkanna.

Ríkisstjórnarflokkarnir gerðu í vor með sér sáttmála, þar sem kveðið er á um að gert verði hlé á aðildarviðræðum við Evrópusambandið. Ekki verði haldið lengra í viðræðum nema að undangenginni þjóðaratkvæðagreiðslu.

http://ruv.is/frett/thjodaratkvaedi-oraett-i-rikisstjorn

Ruv.is

________________

Utanríkisráðherra fór mikinn í gær og gerði lítið úr mikilvægi þess að þjóðin tæki um það ákvörðun hvort viðræðum við ESB verði haldið áfram.

Hann vildi meina að ekkert stæði um það í stjórnarsáttmálanum og lýsti þeirri skoðun sinni að slíkt væri alsendis óþarfi.

Margir vildu meina að þetta væru rakin svik og sumir þóttust jafnvel muna að Sjálfstæðismenn hefðu lofað þessu í aðdraganda kosninga.

Reyndar stórfurðulegt að þetta mál hafi ekki verið rætt milli flokkanna.

Sennilega enn eitt dæmið um verkleysið sem margir sjá.

Í dag kemur síðan í ljós að formaður Sjálfstæðisflokksins er afar lítið hrifinn af glannalegum málflutningi utanríkisráðherra, segir málið órætt í ríkisstjórn.

Eiginlega virtist Bjarni hundfúll með utanríkisráðherra, en það les maður á milli línanna.

Formaður Sjálfstæðisflokksins  veit að hann verður að stíga varlega til jarðar í sínum flokki, þar eru margir stuðningsmenn ESB viðræðna og væru snöggir að herma stefnu flokksins í þessum málum upp á formanninn leitist hann við að víkja af leið.

Reyndar er svolítið undarlegt að utanríkisráðherra situr heima á skerinu á meðan forsætisráðherra hendist um allan heim og hefur ákaflega lítið verið heima síðustu þrjá mánuði.

Stundum fær maður á tilfinninguna að utanríkisráðherra sé ekki alveg treyst í forustu Framsóknarflokksins, í það minnsta er hann heima en forsætisráðherra á flakki við að sinna hlutverki utanríkisráðherra meðan utanríkisráðherra situr heima og gefur stórkallalegar yfirlýsingar úr takti við samstarfsflokkinn.

Athugasemdir

[Haukur Kristinsson (IP-tala skráð) 17.8.2013 kl. 19:53]

Að gera sendil kaupfélagsstjórans á Sauðárkróki, hillbillans Þórólfs Gíslasonar, að utanríkisráðherra, er Evrópumet ef ekki heimsmet í hálfvitagangi.