Lítt hæfur forsætisráðherra ?

 

Forsætisráðherra minnkar sjálfan sig og rýrir orðspor Íslands þegar hann líkir IPA-styrkjum Evrópusambandsins við mútur. Þetta segir fyrrverandi formaður Sjálfstæðisflokksins. Þá segir hann ríkisstjórnina hafa sýnt tvöfeldni við meðferð aðildarumsóknarinnar.

____________________

Þorsteinn Pálsson er að segja að forsætisráðherra sé lítt hæfan í starfi.  Vafalaust eru margir sammála honum með það.

Áhugaverður pistill frá Þorsteini í Fréttablaðinu í dag.

Forsætisráðherra þjóðar gerir fátt verra en rýra orðspor landsins.

Þessi ríkisstjórn hefur gert hverja stórbommertuna á fætur annarri og þar fer forsætisráðherra framarlega í flokki.

Núna síðast hefur hann skipað góðvini sína og skoðanabræður í vinnuhópa vegna ýmissa mála, ekkert samráð eða samvinna við aðra. 

Úr þessari vinnu á greinilega að koma fyrirfram pöntuð niðurstaða.

Hversu lengi varir langlundargeð þjóðarinnar, þess sést þó í skoðanakönnunum að Framsóknarflokkurinn er í frjálsu falli og hefur verið spáð 10% markinu fyrir áramót.

Ekki ósennilegt í ljósi stefnu og ráðleysis í flestum málaflokkum

Forsætisráðherra rýrir orðspor Íslands

Athugasemdir

[Austmann,félagasamtök, 18.8.2013 kl. 11:23]

Það tekur enginn lengur neitt mark á Þorsteini Pálssyni (né Fréttablaðinu), enda hefur hann engin völd innan Sjálfstæðisflokksins.