Vænisýki og hroki ráðherra ?

Hallgrímur Helgason nýtti áróðurmínútur sínar hjá Ríkisútvarpinu vel á mánudag, að sögn Gunnars Braga Sveinssonar, utanríkisráðherra. Segist ráðherrann gefa lítið fyrir orð og skrif Hallgríms. Hann skorar á útvarpsstjóra að hleypa öðrum flokkum að en Samfylkingunni. 

___________________

Sorglegur hroki og dómgreindarleysi einkennir þessi ummæli ráðherra.

Ég veit ekki til þess að Hallgrímur Helgason gegni neinum trúnaðarstörfum fyrir Samfylkinguna og ég geri ráð fyrir að hann skrifi þennan pistil frá eigin hjarta enda rithöfundur og góður penni.

Það má vel vera að hann sé flokksbundinn þar þó mér sé ekki kunnugt um það.

Ég skil vel að Hallgrími sé heitt í hamsi og svo er farið með fjölda landsmanna sem eru reiðir Framsóknarflokknum fyrir svik kosningaloforða og sérkennilegra vinnubragða í upphafi kjörtímabils.

Að reyna að gera þessi skrif flokkspólitísk lýsir fádæma skilningleysi og hroka. Sæmir ekki ráðherra að fara með slíka endemis vitleysu.

Ég held að ráðherrann ætti að ígrunda það sem hann segir þó svo rithöfundurinn Hallgrímur Helgason hafi komið við kaunin í honum.

Lýsir dálitlum dómgreindarskorti í æsingi augabliksins.

Ráðherra gefur lítið fyrir orð Hallgríms

Athugasemdir

[Jón Sigurðsson (IP-tala skráð) 17.7.2013 kl. 16:41]

Samfylkingar-heilkennið þarna í algleymingi. "Allir sem eru á móti okkur eru Samfylgkingarmenn og ESB sinnar". Skulum ekkert vera að flækja þetta neitt!

Það fyndna er að líkt og hjá flestum pistlahöfunum úr þessum ranni er lesendum ekki leyft að tjá skoðanir sínar á því sem fram kemur í pistlunum með athugasemdakerfi og umræðuefnið því sett fram sem heilagur sannleigur frekar en eitthvað sem má ræða um. Enda þolir efnið kannski litla sem enga skoðun þegar betur er að gáð.

Minnir svolítið á kósítímann hjá fyrrum forsætisráðherra og svokölluðum ritstjóra, Davíð Oddssyni, sem kom bara í drottningarviðtölin ár "RÚV" hér á árum áður. Opnari umræða hefði kannski geta fyrirbyggt allra hörmungar sem sá ágæti maður hefur leitt yfir þjóðina.

Hallgrímur en hinsvegar snillingur og verður að halda þessum pistlum sínum áfram!

[Einar (IP-tala skráð) 17.7.2013 kl. 16:51]

Gunnar Bragi Sveinsson veltir fyrir sér tilgangi Ríkisútvarpsins.

Þegar hann heyrir eitthvað eða les sem hann er ekki sammála.

Stórmannlegt og víðsýnt.

[Haukur Kristinsson (IP-tala skráð) 17.7.2013 kl. 16:54]

Gunnar Bragi skrifaði ekki umræddan pistil sjálfur. Lét einhvern sjá um það.

Mér hefur verið sagt að Gunnar Bragi sé fínn náungi, vingjarnlegur "und alles".

En hann mun ekki stíga í vitið, heldur þunnur, eins og það er orðað.

[Gunnar Th. Gunnarsson, 17.7.2013 kl. 16:55]

Þú snýrð hlutunum á haus, Jón Ingi. Það er engin hroki í Gunnari Braga, en halda mætti að þú hafir aldrei lesið stakt orð af pólitískum pistlum listamannsins, því þar liggur hrokinn og bullið.

[Óskar Guðmundsson, 17.7.2013 kl. 17:14]

Fordæming einvörðungu leyfð frá vinstri til hægri... en ekki öfugt???

Ef ég segðist hata Hallgrím er ég dæmdur asni og fífl af pistlahöfundi og fylgjandum hanns.

Ef aftur á móti ég segðist hata Gunnar væri mér hrósað í hástert af hinum sömu.

Hvað er það annað en pólitísk hræsni?

[Austmann,félagasamtök, 17.7.2013 kl. 19:33]

"Í dag velti ég fyrir mér tilgangi Ríkisútvarpsins", segir Gunnar Bragi.

Það hef ég líka gert sl. marga áratugi og ég er viss um að þúsundir annarra hafa gert það sama. Það er kominn tími til þess, að taka til athugunar hvort ríkið eigi bara yfirleitt að reka sjónvarpsstöð, sérstaklega stöð með svona arfalélega dagskrá. Ég og allir aðrir yfir 16 ára aldri erum að borga 18.000 kr. í þessa hít sem ég horfi og hlusta aldrei á.

Ég legg til að Illugi mennta- og menningarmálaráðherra leggi fram frumvarp í haust um að einkavæða ríkisútvarpið eins og það leggur sig, þ.e. selja þetta bákn til einkaaðila. Þá geta þeir sem vilja hlusta á það leigt sér myndlykil og við hin fengið endurgreitt nokkur þúsund árlega frá skattinum. Þá geta allir starfsmenn verið stalínistar og kratar fyrir mér, bara að ég þurfi ekki að greiða laun þeirra.

[Jón Ingi Cæsarsson, 17.7.2013 kl. 21:12]

Fáránleikinn er að stimpla einhver málpípu einhvers stjórnmálaflokks af því hann gagnrýnir viðkomandi er sannarlega ekki í lagi og er inntak bloggsins hjá mér...en ekki eitthvað vinstra og hægra eins og sumir hér í commentunum gefa sér alltaf.

[Bjorn (IP-tala skráð) 18.7.2013 kl. 09:28]

Kannski ertu Framsóknar eða Sjálfstæðismaður og Hallgrímur líka, eftir öll þín skrif og ræður hans sem mér virtust bera blak af Samfylkingunni, og síður en svo af fyrrnefndu flokkunum á gaf ég mér það að þið væruð báðir hallir undir Samfylkinguna, ég biðst forláts á að hafa misskilið innslög ykkar félaganna í gegnum tíðina, var ekki nógu skarpur til að skilja inntakið.  Fuglinn þarf víst ekki endilega að vera önd þó svo hann gangi og kvaki eins og önd

[Jón Kristján Þorvarðarson, 18.7.2013 kl. 12:55]

Hélt að ráðherrann hefði þykkari skráp en raun ber vitni. Nú hefur hann upplýst lýðinn um að hann er marghrjáður af komplexum. Ekkert "framsóknarhorn" með "framsóknarsannleik" á RUV kvartar ráðherrann yfir.

Vandamál ráðherrans birtist augljóslega ekki í þeim mínútufjölda sem Hallgrímur fékk, heldur miklu frekar í því hversu mikla áheyrn (hlustun) Hallgrímur Helgason fékk. Hvernig vill hann stýra því?