Forsetinn, tækifærissinni eða sjálfum sér samkvæmur ?

8.7.2013 | 12:07

Forsetinn, tækifærissinni eða sjálfum sér samkvæmur ?

„Þetta var sent á föstudaginn í prentun frá skrifstofu þingsins og er væntanlegt í dag. Þá sendum við það upp í atvinnuvegaráðuneytið. Það gengur síðan frá staðfestingartillögu og sendir það síðan til forsætisráðuneytisins sem sér um að koma því til forseta Íslands. Þannig er gangurinn í þessu.“

______________________

Nú reynir á forseta Íslands. Hann hefur tekið sínar eigin ákvarðanir og hafnað undirskrift laga nokkrum sinnum.

Rökin hafa verið að það sé gjá milli þings og þjóðar og þess vegna vildi hann láta þjóðina skera úr um niðurstöðuna. Stundum hafa undirskriftir verið færri en nú og stundum fleiri.

Ráðherra Kristján Þór Júlíusson reyndi að beita þeim rökum í fréttum í gær að ekki ætti að vísa málum sem tengdust sköttum og fjármálum þjóðarinnar í þjóðaratkvæði.

Þau rök eiga sannarlega ekki við, því þegar horft er til vísan Icesavesamninga til þjóðarinnar, þeir snérust um fjármál og erlenda samninga. Þá ákvað forsetinn að vísa málum til þjóðaratkvæðis.

Nú reynir á ÓRG. Ef hann er sjálfum sér samkvæmur vísar hann lögum um veiðigjöld til þjóðarinnar, þar er vik milli þings og þjóðar og skoðun þjóðarinnar á eignarrétti yfir auðlindum var mjög skýrt í atkvæðagreiðslu á síðasta ári.

Ef aftur forsetinn er hreinn og beinn tækifærissinni og hentistefnumaður skrifar hann undir lögin. Meginástæða þess væri hrein og bein flokkapólítík.

Forsetinn er guðfaðir núverandi forsætisráðherra og niðurstaða hans gæti því orðið að aðstoða núverandi stjórnarflokka við að koma málum í gegn, jafnvel þótt 35.000 manns hafi beðið hann að vísa málinu til atkvæðagreiðslu í þjóðaratkvæði.

Nú reynir því á forsetann, er hann tækifærissinni eða sjálfum sér samkvæmur?

Það kemur í ljós alveg á næstunni.

	Lögin líklega til Ólafs á morgun
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Icesafe samningurinn hefði skuldbundið okkur í áratugi fram í tímann, bundið ríkisstjórnir framtíðar og í raun haft áhrif á efnahagslegt sjálfstæði þjóðarinnar. Veiðleyfagjöld eru skattlagning sem er hægt að breyta við gerð hverrar fjárlaga. Jón það veit hver maður sem hefur lesið það sem þú skrifar að þú ert blindur samfylkingarmaður en það hlýtur samt að vera takmörk á öllu. Að halda því fram að þessi tvö mál séu sambærileg er í besta lagi..........(það má hver fyrir sig velja sér orð).

Sgjum nú sem svo að málið fari í þjóðaratkvæði og þar verði samþykkt að upphæð gömlu laganna eigi að standa hvað þá? Má þá aldrei breyta aftur gjaldtökunni, hvorki að lækka hana né hækka?

Stefán Örn valdimarsson (IP-tala skráð) 8.7.2013 kl. 13:55